1677-a_r||
In dem namen des herren amen kunt sey allen und yeden die diese gegenwur=||
tig offen Instrume sehen oder hören lesen das nach des selben unsrs liben herren gepurdt||
tausentvierhundtert und in dem sechsundnewntzigstem jare der viertzehnd indicion an Erch=||
tag dem achtzehnd tag des monats octobris in königklichem gewalt die zeit regirendt

der allerdurchleuchtigist und unuberwindligst furst und herre herre Maximilian von gotts||
gnad und ayldikait romischer König zue allen zeiten merer des reichs zue Hungern Dal=||
matien Croatien etc. konig ertzhertzog zue Österreich hertzog zue Burgund Brabant unnd||
Geldern etc Grave ze Flandern Tirol etc seines regimedts in dem zehndten jare in mein offen||
notari und der zeugen hieund geschribn gegenwürtikait ist persondlich erschyn der erberg||
weiss Jorg Krepper von Lofer meines gnadigen Herren von sandt Peter diener mit plödem||
schwachem leib und doch mit guter redlicher vernufft und verstendikait zeitigem weradt||
und furnemen gutem freyem willen und guter wetrachtung und und hat das sein gegenwürtig||
geschäfft und lesten willen in dem allerpesten form weg und mass als er hat thuen solen und||
muegen gethan geordent vermelt und müntlich ausgesprochen als hernach volgt item zu ersten||
wefilhe ich mein sel got dem almächtigem meinem schöppfer und erloßer darnach sol man||
mich wesingen lassen in der pfar und zue sandt Peter zum ersten sibend und dreyssigisten||
albeg mit gesungner vigl und selampt nach gewonhait item darnach schaffend orden ich||
meinen zwaien brüedern Cristan und Hannsen yedem funf pfundt pfeniger item ich hab||
zwne schwester gehabt hat yede ain tochtter gelassen so schaff ich auch yeder funf pfundt||
pfeniger und was uber sölh mein geschafft und lesten willen uberpleibt schaff orden und gib||
ich alles zue sandt Peter gotshäuss hiezue Salczburg das in die brueder mein sel dasrumb||
lassen wefollen sein wan was ich hab..hab ich alles erobert und gewönen mit mein||
arbait und diensten und hab nichts ererbt weder von vater noch von müeter. Ich pite||
auch meinen gnädigen herren von sandt Peter und seiner gnaden kelner brueder walthasar||
das sy sollen mein geschafft und lesten willen also volraken aufrichten und volfieren||
und mein geschafftiger sein wollen gibe yn auch hiemit volkenlichen gewalt das selbige||
also auserichten und volfueren als ich yn dan vortraue nach sölhem geschäfft und lesten||
willen hat der obena(nte) Jorg Krepper gewölt das solhens sein geschäfft und lester wille||
nach seinem todt und abgang chrafft und furgang haben und aufgericht werden||
soll wie und in mass dan ain yedes geschafft und lester wille nach allen gemaynne||
geschriben rechten päbstlichen und kayserlichen chrafft und furgang haben soll und mag||
und hat der auf die hernach geschriben zeugen gepeten solchs gemes geschäffts unnd||
lesten willes ingedenck ze sein und ob sein notthuen würde ir zeugknin unnd||
kuntschafft der wachait ze hilff davon zegeben auch mich hieund geschriben||
notari von meines ambts wegen ermant und gepeten seiner obenanten geschäfftigeren||
und wen die sach antreffen wirdett ains oder merer offen instrument darober||
zemachen und zegeben das ist weschehen zu Saltzpurg zue sandt Peter im ge=||
sind siechhaus in der stuben des jars indicion tag monatt und konigklich regirug oben||
an geschribn in peywesen der fürsichtigen weysen Contz Lindner Mertein an der arnolt||
ting und Thoman Suess laien Salczburg pistubs zeugen zu den sachen eruordert und ge=||
peten

und wan ich Kilian Lehner ain geweichtt||
Regnspurger pistumbs aus kaiserlichem ge=||
walt offner notari pey alen und yeden obe=||
rürten sachen mitsambt den vorbenanten||
zeugen persondlich gewesen pin und alles||
also gesehen und gehört hab darumb hab||
ich dits gegenwürtig offen instrument dar=||
ober gemacht underschriben und in dise||
glaubhafftigen offen form gesetzt auch mit||
meine ofewdndlichem zaichen namen||
und zeugknuß alles so oben geschriben ist||
||
1677-b_r In dem namen des Herren amen kunt sey allen und yeden die das gegenwur= und zeugknuß alles so oben geschriben ist||
tig offen instrument sehen oder hören lesen das nach des selben unsres lieben herren gepurdt tausent||
vierhundert und in dem sechswnnewntzigistem jare der viertzehnden indicton an pfintztag dem ||
zwaintzigisten tag des monatts octobris in königklichen gewalt die zeit regirnndt der aller||
durchleuchtigist und großmächtigist fürst und herre herre Maximilian von gottes gnadn und||
ayldikait romischer König zue allen zeiten merer des reiches zue Hungern Dalmatien Croatien ||
etc könig Ertzhertzog zue Östereich Hertzog zue Biurgund Brabrant Chelderen etc Graue zue||
Flandern Tirol etc seines regimedts im zehndten jare in mein offen notari und der zeugenn||
hieund geschriben gegenwürtikait ist persondlich erschynen der gästlich andachttig herr bruder||
Balthasar Kelner zue sand Peter und mitsambt seinem prelaten in got vater und herren herren||
Virgili abt sandt Peter gotshaus ze Saltzburg gesatzt geschäfftiger weylandt Jorgen Krepper||
des yetzgentn gotshaus diener nach laut aines instruments durch mich hreund geschriben||
notari gemacht und underschriben werent und gesetzt sagt und sprach wie Jorg Krepper||
sein tag hie auf erden geent und mit redt vorgangen wer nw hette er ain versperte truhen||
lassen hette er geschickt noch dem schlussel und wolt die selben aufsperen und weschauen||
aus geschafft seines prelaten obenant und das selbig lassen aufschreiben und in ain gelaub=||
hafftige kuntschafft lassen pringen damit nachrede vermiden plibe und dem gotshaus||
sandt Peter icht krieg und widerwärtigkait von sölhes gelassen guts wegen auferstien.||
und erwachsen machten also kam Köntz Lindner und pracht der schlussel und antwort||
in dem vorbenanten bruder Walthasar vor mein offen notari und ist darnach gangen||
zue der obnanten Truhen und die aufgespert und hat an dem vorbenanten pfintztag ge=||
find die hernach geschriben güter und mich hieund geschriben notari aufzeschreiben||
gepeten item zum ersten ain ackelayen rock mit weiss wüllen unterzogen ain rote goppen||
und ein rots par hosen ain ellen schwartz wülles thuochs ain schwartz gügl ain padpf=||
ait ain hannttuch ein par messer ain clain tillitz ain neues par schuech und ain gop=||
pen pfaidt item in dreyen alten peutellen vier pfundt pfeniger und acht creutzer item in dem||
sichheusl ain prawn rock und ain kroppfen pelts noch solhem fleissigem wesuechenn||
und aufschreiben hat der obenant bruder Walthasar geschafftiger des offgenanten Jorgen||
Krepper dye hernachgeschriben zeugen gepeten das sy sölhes ersuechen und aufschrei=||
bens gesündner güter und aller obgeschriben ding woe und als offt das notthuen würde||
zeugen wollen sein und mich offen notari hieund geschriben von meines ambtswegen||
ersuecht und gepeten das ich seinen obenanten prelaten und ym als den geschafftigeren||
und wen die sach anrürren wirdt ains oder merer offen instrument daruber mache||
fertig und gebe das ist weschehen zue Saltzburg in sandt Peters kloster in und vor||
des kuchelmaisters stüblen des jares indicton tag monatt und konigklicher regirung||
oben an geschriben in peywesen der fürsichtigen weysen Contz Lindner und Mertein||
an der arnolting laien Salzburger pistumbs zeugen zu den sachenn ervordert und||
wesimderlich gepetn||
unnd wan ich Kilian Lehner ain geweichtter||
Regnspurg pistumbs aus kaiserlichem gewalt||
offner notari pey allen und yeden oberurtner||
sachen mitsambt den vorbenanten zeugen||
persöndlich gewesen pin und alles also||
gesehen und gehört hab darumb hab ich||
aus gegewnwurtigem offen instrument darober ge=||
macht underschriben und in disen glaub=||
hafftigen offen form gesetzet auch mit meinen||
gewondlichen zaichen namen und zuernvne||
wetzaichett zue vrkundt und zaigknus aller||
so oben geschriben ist