"Dilecto filio Bartholomeo de Rankow(1), rectori parrochialis ecclesie in Swyetlik(2), alias in Krslag(3), Pragensis diocesis, salutem [...]. Et deinde dilecto filio Theoderico de Staffordia(4), rectori altaris sanctorum Metudii et Cirilli in ecclesia Pragensi(5), de beneficio ecclesiastico cum cura vel sine cura, ad collacionem venerabilis fratris nostri archiepiscopi Pragensis(6) et dilectorum filiorum [...] prepositi, decani et capituli ecclesie Pragensis communiter vel divisim pertinente, per suas litteras mandavit provideri, volens inter cetera, quod ipse Theodericus, quam primum dictarum litterarum vigore beneficium huiusmodi foret pacifice assecutus, parrochialem ecclesiam de Swyerlik [!], alias in Krslag, Pragensis diocesis, quam idem Theodericus tunc temporis obtinebat, [...] omnino dimittere teneretur [...]. Et deinde dicta parrochiali ecclesia ex eo vacante, quod idem Theodericus dictum altare tunc vacans et ad collacionem dictorum decani et capituli communiter ||
pertinens, dictarum litterarum vigore sibi collatum extiterit pacifice assecutus, tu, sicut exhibita nobis nuper pro parte tua peticio continebat, reservacionis et decreti predictorum forsan ignarus, vigore quarundam litterarum dicti predecessoris, per quas beneficium ecclesiasticum cum cura vel sine cura ad collacionem [...] dilecti filii prepositi monasterii in Plaga(7), alias in Derkolen(8), per prepositum soliti gubernari, Premonstratensis ordinis, Patauiensis diocesis, si quod in civitate vel diocesi Pragensi tunc vacabat, vel cum vacaret, pertinens in ea forma, secundum quam pro pauperibus clericis beneficiandis idem predecessor scripserat, exspectabas, dictam parrochialem ecclesiam sic vacantem et ad collacionem dicti prepositi pertinentem [...]. Datum Auinione(9), V kalendis maii, pontificatus nostri anno secundo."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 183, S. 184