"Nouerint vniuersi presentes litteras inspecturi, lecturi et audituri, quod ego, Conradus de Bernharticz(1), sano consilio amicorum meorum prehabito, de consensu speciali dilecte Jutte(2), conthoralis mee, legitime vendidi et presentibus vendo triginta octo ||
grossos census in medio laneo in villa Srlyn(3) sito, quem Gregorius dictus Beranek(4) actenus coluit et colebat, honorabili viro, domino Dypoldo(5), preposito monasterij Plagensis, protunc plebano ecclesie in Bernharticz(6), Premonstratensis ordinis, Pragensis diocesis, pro octo sexagenorum grossorum et duodecim grossis Pragenses donare, quas fauor me actu recepisse ab eodem ad collendum, possidendum et tollendum, in duobus festis siue terminis, videlicet sancti Georgij quatuordecim grossos et sancti Galli viginti quatuor grossos continuo et immediate sequentibus pacifice et quiete, cum pleno jure et dominio, prout solus actenus tenui, nichil prorsus michi inibi reseruando, transfundo nichilominus omne jus et proprietatem dominij in eundem dominum prepositum et Buzkonem(7), armigerum de Sedla in generum suum, et in Johannem natum olim Johannis dicti Prczyczski de Hosczicz(8). Ad cuius rei euidenciam et certitudinem plurimorem prouidi viri Buzko et Petrus, fratres de Borowan(9), nati mei, et fideiussores legitimi pro me et mecum promittentes, promittent et promittimus bona nostra fide christiana, omnes in solidum dictum censum siue medium laneum disbrigare et liberare a quolibet homine utriusque sexus, cuiuscumque status, gradus uel condicionis extiterit, christiano uel judeo, impetente [?] seu impeterit volentes secundum morem et consuetudinem terre Boemie et in primo parlamento [?] siue concilio baronum in Praga celebrato, nolimone dicato [?], secundo thabulis terre adnotate et in potestate cum effectu. Quod si non fecerimus, quod absit, extunc statim tenemur et promittimus ad inquisicionem prefatorum prepositi, Buzkonis et Johannis vnus nostrum quicumque commonitus fuerit iussus et requisitus, cum vno famulo et duobus equis in opido Milewsk in domo honesti hospitatoris per eos sibi deputata obstagium subintrare et obstagiare more obstagij solito et consueto. Et ab eodem in tempore [?] exire ulto jure prece uel precepto, donec memoratum censum siue medium laneum sic ut premittitur exbrigamus cum effectu. Jn venditum vero, si quamvis modo libertare seu exbrigare non poterimus, quod absit, extunc tenemur et promittimus prefatas octo sexagenorum grossorum cum duodecim grossos cum augmento terre presentis super addito memoratis preposito, Buzkoni et Johanni restituamus et soluemus sub penis obstagialibus antedictis, hoc eciam adiecto, quod si predictam inthabulacionem aliquem ex nobis fideiussoribus de huiusmodi ergastulo decederit et imigrare contingerit, Domino Deo permittente, extunc alium fideiussorem eumque bonum in valore et facultate rerum status et conditione statuere et levare sub hijs clausulis vindicare infra vnum mensem sub penis obstagij memoratis. Et quicumque presentes litteras de consensu et bona uoluntate dicti prespositi in sua presencia huic illi competit jus omnium et singulorum premissorum. Jn cuius rei testimonium presentes litteras scribi fecimus, et sigillis nostris de certa sciencia nostra iussimus conmuniri. Datum et actum Bernharticz, anno Domini millesimo trecentesimo nonagesimo nono feria tercia post dominicam, qua cantatur in ecclesia Dei Letare Ierusalem, et conuentum facti."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 224, S. 227-228