"Andreas(1) diuina miseracione cenobij beatissime virginis Marie ad Plagam, Premonstratensis ordinis, Patauiensisque diocesis prepositus, vniuersis et singulis ecclesiarum parrochialium rectoribus, vicarijs, diuinorum cooperatoribus, capellanis, presbyteris tam regularibus quam et secularibus, curatis et non curatis, vbilibet constitutis, ad quos aut quem presentes nostre littere pervenerint sincere caritatis affectum in Domino salutarem, quia ex deuota et pia conswetudinis pro prefate pijssime nostreque gloriosissime patrone liliaribus cum vbertinibus dignissimis indulgencijs jn abolicionem peccatorum aliarumque salutem presentibus infra signatis, collectura lini seu lentis(2) in confinibus nobis coniacentibus diu introducta ac auctoritate reuerendissimi domini nostri Patauiensis suorumque antecessorum(3), cum nonnullis expressis indulgencijs, quemadmodum in litteris sub publica manu redactis apercius contineri videtur roborata, confirmataque fuerit. Est jdeo cum fiducia ad uos singulos nobis vicinos non modica presencium ostensorem, nostrum fidelem, pro huiusmodi lini seu lentis colleccionem statuimus. Vos omnes et quemlibet vestrum attencionem in Domino exhortatis, ut eundem nostrum collectorem tum ad vos eum declinari contingat, ob nostri amorem fauorabilius tractande huiusmodi elemosinarum collecturam cum indulgencijs infrascriptis, ipsasque confirmaciones ordinarias sub publica manu redactas, quorum vestre plebis multitudine diebus congruis ac celebribus pronuncciare de vestraque benigna humanitate sincerius promouere velitis. Jn eo ab Altissimo et eius matre gloriosissima premium expectantes, nobisque ac nostro cenobio obsequium fauorabile semper promerendum ostendentes. Datum jn iam dicto nostro cenobio, die lune, quartadecima nouembris, anno Domini millesimo quadringentesimo sexagesimo octauo, nostro sub maiori sigillo a tergo jmpresso."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 428.b, S. 474-475