Notum sit omnibus Christi fidelibus, quod ego M. sancte Marie in wienna abbas totusque eiusdem loci conuentus ex una parte et Vlricus miles de Marbach et Sophia mater eius ex altera super area, que est infra septa ecclesie posita, conuenimus in hunc modum. Prefatus V. miles et S. mater eius quondam susceperunt ab ecclesia aream illam sub censu VI. solidorum longorum annuatim in natiuitate sancte Marie persoluendorum. Preterea in idem pactum positum est, ut predicti V. et S. murum erigerent inter aream illam et curiam monachorum, in quo nulla fenestra uel aliqua rimula esset, per que quisquam possit intueri aliquid in curiam, preter paruam fenestram in eorum cellario. Sed ipsi nec censum persoluerunt in uno anno nec murum erexerunt. Deinde XI annis reuolutis per iudices delegatos a sede romana illos iuri stare constrinximus. Tandem ad hoc inter partes peruentum est, quod sepe dicti V. et S. contulerunt ecclesie duas areas, que sunt in Ziegerstorf, que VI solidos longos annuatim in perpetuum ecclesie persoluent. Similiter contulerunt ecclesie unam aream in uilla, que dicitur Gunpendorf, cuius uillicus est salmannus, qui soluit XL den. annuatim in perpetuum, cuius aree custos est Leupoldus rusticus et posteri eius post eum. Insuper contulerunt ecclesie terram arabilem juxta Zaismannesprunnen, que XX den. singulis annis in perpetuum persoluit. ïstum uero agrum Guido miles tenebat a prefato V. milite de Marbach. Nunc idem Guido et posteri eius ab ecclesia tenent agrum illum et non a milite. Omnia ista persoluuntur in festo sancti Michaelis. Post obitum uero utriusque uidelicet V. et S. prefata area, que est infra septa ecclesie, cum omnibus tunc temporis ibi contentis sine alicuius in mundo inpedimento siue contradictione ad ecclesiam libere et absolute deuoluetur, preter res illas, quas custos curie possidebit. Huius rei testes sunt. Leupoldus dux Austrie et Stirie. Mauricius prior. Mathias et Martialis monachi. Leupoldus pincerna ducis. Dietricus judex. Dietricus filius Pitrolfi. Cristanus de Kotwico et Magistri Symon, Lucas et Bartholomeus, totusque noster conuentus et alij quam plures. Vt autem istud raturn et inuiolabile in omne euum pernianeat, de consensu partiurn hanc cartam sigillo prefati ducis Austrie et Stirie fecimes roborari. Actum anno incarnati uerbi millesimo ducentesimo sextodecimo. Octauo decimo kal. Julij.

Source Fulltext: HAUSWIRTH, Schotten (=FRA II/18, 1859) S. 22-23