Ich Jans von Wuppelsperg vnd ich Chunigunt sein hausvraw wir vergehen offenleichen an disem prief vnd tvn chunt allen den, di in sehent, lesent oder ho^erent lesen, die nv lebent vnd hernach chvnftich sint, daz wir dienen schullen von vnserm haus, daz da leit ze Wienn in der Rotstrazz, sibentzich Wienner phenning ze rechtem gruntrecht hintz der Schotten Chloster ze Wienn. Vnd darvber zv ainem offen vrchvnd vnd ze ainer ewigen sicherhait vnd gezevg geh wir disen prief fu^er vns und fu^er vnser erben vnd nachvmen versigilten mit vnserm insigel. Der prief ist geben ze Wienn nach Christes geburd vber dreutzehen hundert iar darnach in dem funf vnd dreizzigstem iar, an sand Kathreyabent.

Source Fulltext: HAUSWIRTH, Schotten (=FRA II/18, 1859) S. 206