Ich Alram von hertwichstain tvn chvnt allen den. die disen brief lesen oder horen lesen, daz ich mit gutem willen han gegeben vnser vrowen vn dem goteshavs von Sittesteten einen wingarten da ze Pvhel. mit hofstat. mitt alle zv drin fphennig ze pvrchreht dem Hager. vn ein chint. daz haizet Otaker, also mit beschaidner rede, daz dazselbe chint sol haben fphrvent da ze dem selben chloster. vn sol avch da werden prvder. an so vil, ob daz chint stirbet, oder sich von sin selbes mvt da von nimt, daz dennoch der wingart sol gehoren zv dem||
chloster, vn ob dehainer miner gerben noch mimem tot welle besweren daz chloster mit dehainer ansprach, daz der selbe gerbe dem Abte vnd der Samnunge gebe ains vn zwainzig fphvnt, da ich im vmbe chophet. vn daz daz stet sei, dez gib ich zevch mit minem insigel, alle die iz gehoret haben, Her Perchtol im pach, her Alber der entinger, Hainrich chezer, Friedrich vo svching, Herman von Pvhel, Chvnrat von wolfrevt, her albert der fparrer vo sant Michel. Walther Schachener, Engelger, Rvdolf vo pvhel. vn die andern die iz gesehen habent.

Source Fulltext: RAAB, Seitenstetten (=FRA II/33, Wien 1870) S. 129-130