Nos Gundakerus miseracione diuina Abbas et Conuentus Monasterij in Seitesteten patauiensis dyocesis ad vniuersorum noticiam volumus peruenire. quod Serenissimus dominus noster dominus fridericus Romanorum Rex seinper augustus ob salutem corporis et anime sue et in remedium animarum progenitorum suorum nobis Centum libras denariorum wiennensium pro Elemosina errogauit, modis et condicionibus infrascriptis. ita videliczet. vt nos de predicta pecunia decem libras redditus de possessionibus in terris nostris sitis de voluntate et consensu suo emere debeamus, quodque sacerdotibus nostris vnum sacerdotem. qui missam specialem cottidie, vel alter, qui ad nostram ordinationem adhoc deputatus fuerit. abhac hora iniperpetuum, pro sua et progenitorum suorum salute celebret. Superaddere debeamus. Et sacerdos. qui missam eandem celebrauerit singulis diebus, in vna pytancia pro aliis debeat recreari. Et cum dominus noster creator omnium prefatum dominum nostrum dominum fridericum Romanorum Regem de hac luce vocauerit, statuit et voluit, vt diem obitus sui ac deinde anniuersarium suum. perpetuo, sub magno honore et reuerencia, vigiliis, oracionibus, missis candelis et refeccionibus sev pitanciis sicut alia nostra maiora anniuersaria, teneamur perpetuo celebrare. Nos igitur hanc Elemosinam deuote et humiliter acceptantes nos, nostrum monasterium, et successores nostros ad omnia et singula supradicta supplere et perficere, modis et condicionibus supradictis, obligauimus, et presentibus, perpetuo obligamus. Dantes predicto domino nostro, domino friderico, Romanorum regi has litteras nostras Sigillorum nostrorum munimine roboratas in testimonium super eo. Datum in Seitesteten. XIII°. Kalendis aprilis. Anno domini M°. CCC°. XVIIII°.

Source Fulltext: RAAB, Seitenstetten (=FRA II/33, Wien 1870) S. 166-167