Reuerendis in Christo domino Amicis ac fratribus perdilectis Domino . . . Abbati. Totique Conuentui Seydensteten. Ecclesie. Patauien. dyoces. Ortolfus dei et apostolice sedis gratia Abbas totusque Conuentus Monasterii Sancti Lamberti. Saltzburgen. dyoc. cum deuotis orationibus sinceram karitatem in Christo. Cum ex sentencia sapientissimi Salomonis. qui vniuersis vite humane circumstanciis perlustratis sapiencia die mediante. que in Christo clarius refulgebat. nichil inipsa quam tribulacionem et afflicionem spiritus eundem didicerimus recepisse. cordibus nostris ac cogitacionibus racionabiliter ac discrete reuoluentibus. hoc animaduertimus. vniuersas erumpnas ac labores humane fragilitatis nil posse tam dulciter recreare. quam si mutuis orationibus ac aliis caritatis operibus secundum apostolum in alterutrum adiuuantes vitam transitoriam debilem ac infirmam inperennem ac stabilem commutemus. Cum ergo, fratres karissimi. de vestris sanctis oracionibus ac religiosis operibus nostram neglienciam ac bonorum operum inopiam speremus pleniter ac uberius reformari. karitati vestre per presentes plenum participium missarum. oracionum ac omnium bonorum operum. que in nostra Ecclesia a nostra fragilitate poterunt perpetrari. liberaliter ac hiliariter fraternitatis nomime condonamus. Hac condicione inserta. ut quem cunque fratrem Ecclesie vestre. Sacerdotem vel dyaconum dominus vocauerit huius carnis terminum adextremum. Camerarius siue alter, qui habet ordinare de vestibus mortuorum. precium bayolo de vestibus defuncti tribuat. qui nobis mortem suam adnunciet tempore oportuno. et tunc Prior noster aut vices suas gerens mane Capitulum conuocabit. et nobis indicet ut (certa hora)||
solempniter compulsetur. et maior Vigilia dicatur pro eodem et in mane missa pro defunctis cum choro tonaliter celebretur. singulis sacerdotibus missam vnam nichilominus legentibus insequestro. et si aliquod legitimum impedimentum obstiterit. illo cessante quod supradictum est. sine intermissione diligencius peragatur. et si aliquem ex sacerdotibus illa die vacare contigerit. quantocius eandem negligenciam suppleat. quando potest Alii vero sacerdocii caracterem non habentes vnum legant spalterium. Conuersi vero mille dicant Pater noster. Salutacionem beate virginis cuilibet adiungentes. Sacerdote vero defuncto siue dyacono vna prebenda die deposicionis sue. que consweuit dari Sacerdotibus siue dyaconibus. duobus scolaribus legentibus vnum spalterium tribuatur. Si vero in inferioribus ordinibus constituti vel Conuersi viam vniuerse carnis ingressi fuerint. iterum nobis annuncietur. et Vigilias ac missam vnam celebrabimus in communi Et ne pie recordacionis predecessores fratres Sacerdotes ac cuiuscumque vestre et nostre Ecclesie condicionis existant persone. a tali pie deuocionis voto aliquomodo separentur. statuimus. ut VI. feria festum omnium sanctorum proxime sequenti singulis annis solempniter cum Vigilia et missa defunctoruin ipsorum ac viuorum fundatorum ac benefactorum celebretur memoria specialis. singvlis sacerdotibus missam vnam nichilominus legentibus in sequestro. Aliis vero infra sacerdocium constitutis explentibus. que fuerunt superius adnotata. ita quod eodem die quatuor prebende dominorum pauperibus in remedium et leuamen omnium fidelium defunctorum plenariter largiantur. Volentes eciam. ut festiuitas nostri Patroni sci. Lamberti singulis annis eodem die. quo occurrerit cum septem luminaribus peragatur. fratribus quoque de collegio existentibus septem fercula ministrentur. Pro festo autem beate virginis Ecclesie vestre Patrone. quod ab vniuersali Ecclesia suo tempore colitur. anniuersarium Ecclesie vestre fundacionis iuxta conswetudinem hactenus obseruatam peragemus. Addicientes. ut quicumque de Capitulo siue ex culpa siue penitus sine culpa pro solacio siue ex metu ad nostram declinauerit Ecclesiam. omni eo iure tam in prebenda quam in aliis graciis perfruatur. quo singuli fruimur et gaudemus. In cuius rei testimonium presens scriptum fieri fecimus. nostrorum sigillorum munimine roboratum. Datum in sancto Lamberto kalen. Decembris Anno domini M°. CCC°. XXX°.

Source Fulltext: RAAB, Seitenstetten (=FRA II/33, Wien 1870) S. 185-187