Charter: Urkunden Stift Eberndorf 31
Signature: 31
Add bookmark
Edit charter (old editor)
1441 August 22, Basel
Das Konzil zu Basel gewährt Eberndorf wegen der weiten Entfernung von Aquileia gewisse Vorrechte Current repository:
Stiftsarchiv St. Paul im Lavanttal (www.stift-stpaul.at)
Stiftsarchiv St. Paul im Lavanttal (www.stift-stpaul.at)
- notes extra sigillum:
- Dorsual: Concilium Basiliensis dat facultatem Praeposito Oberndorff, pro se, et suorum subditorum usu, recipienti libere Chrisma et Oleum sanctum in loco sibi viciniori et congruentiori . etiam provincam et Dioecesim Aquile(giensem). 1444 (sic!)
SACROSANCTA generalis Synodis Basiliensis in spiritu sancto legitime congregata universalem ecclesiam representas Dilectis ecclesie filiis .. Preposito et Conventui monasterii Junensis ordinis sancti Augustini Aquilegiensis diocesis Salutem et omnipotentis dei benedictionem Devotionis vestre quam ad universalem ecclesiam gerere comprobamini intgritas promeretur, ut illa vobis favorabiliter concedamus, que ad vestre commoditatis statum tendere dinoscuntur Exhibita siquidem nobis nuper pro parte vestra petitio continebat, pro eo, quod vestrum monasterium prope fines diocesis Aquilegiensis et per longam dietarum distanciam ab ecclesia Aquilegiensi constitutum existatet propter viarum discrimina Crisma et oleum sanctum que in die Cena domini in ipsa ecclesia Aquilegiensi benedici solita sunt, nonnumquam gravibus laboribus ad dictum vestrum monasterium pro eorum usu deferri consueverunt, et Canonici vestri monasterii pro susceptione sacrorum ordinum non modicis periculis exponebantur. Quare pro parte vestra nobis fuit humiliter supplicatum, ut vobis a quocunque catholico Antistite Crisma et oleum huiusmodi, pro ipsius vestri monasterii ac subditorum eiusdem usu recipiendi et illis utendi licentiam et facultatem concedere dignaremur. Nos itaque supplicationibus vestris huiusmodi in hac parte inclinati, vobis Crisma et oleum huiusmodi a quocunque catholico Antistite gratiam et communionem universalis ecclesie et sedis apostolice habente etiam extra dictas provinciam et diocesem Aquilegiensem in loco vobis viciniori et congruentiori pro vestro et dictorum subditorum usu recipiendi, illisque libere et decenter utendi Constitutionibus apostolicis ac aliis contrariis, nequaquam obstantibus, auctoritate universalis ecclesie tenore presentium licentiam elargimur. Nulli ergo omnino hominum liceat hanc paginam nostre elargitionis infringere vel ei ausu temerario contraire. Si quis autem hoc attemptare presumpserit indignationem omnipotentis dei et universalis ecclesie se noverit incursurum. Datum Basilee XI kalendas Septembris Anno a Nativitate domini Millesimo quadringentesimo quadragesimo primo. Registrata Gratis Ja. de Krainburga
Source Fulltext: Peter Peusquens
Editions:
- Schroll 61
Places
- Basel
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}