Ich Vlreich der Goler, vnd ich Alhait sein Hausfraw, veriehen vnuerschidenleich an disem offenn prief fuer vens vnd fuer||
all venser erben, vnd tůnd chunt allen den die in lesen oder hoeren lesen, daz wir mit verdahtem můt vnd mit fruend||
rat, reht vnd redleich verchaufft haben den ersamen Gaistleichen Herren, Abt Chůnrad, vnd allem Conuent dez Closters||
ze Stams, vnd ïrn nahchomen, venserw pawreht div wir gehabt haben auf ïrm Hof ze Flaurlingen der genant ist der ||
Mittelhof vmb ain vnd czwainzich March gueter vnd gaeber meraner muenz, die wïr gar vnd genzleich dar vmb von in en-||
pfangen haben, vnd rueffen vns der gewert an disem prief, fuer vens vnd venser erben, vnd verzeihen vens aller ansprach||
die wir gehabt haben, oder immermer gewinnen moehten gen den genanten pawrehten, also, daz si da mit nu fuerbas||
gevaren muegen wi si wellen, an venser vnd aller venser erben hinderung, vnd ïrrung, Wïr verhaizzen auch den vorge-||
nanten Herrn fuer vens vnd venser erben, der selben pawreht vnd dez chauffes der pawreht, ïr rehten gewern ze sein, an||
aller stat wa vnd als offt si dez beduerfent, vor Gaistleichem vnd vor weltleichem rehten, nach dez landes reht, vnd||
ob si der gewerschafft chainen schaden naemen, wie si den nemen, vnd wie dar genant waer, den sueln wïr in ab tůn||
genzleich vnd gar an allez verziehen, vnd an widerred, ïrn worten dar vmb ze gelauben an aelliv aendriv weredung||
vnd sueln hauptgůt vnd schaden haben auf allem dem daz wïr oder vnser erben haben, vnd immer mer gewinnen. Waer||
auch daz in venserr oder venser erben gewalt ïmmer chain prief her nach fuenden voerd, der in chainerlai weis wider disen||
chauff gesein moeht, wellen wïr daz der chain crafft niht enhab. Daz awer den vorgenanten Herren diser chauff staet vnd||
vnzeprochen beleib geben wïr in disen prief versigelt mit herr Ruedgers Stoekleins Hangenden Insigel, ze den zeiten||
Rihters auf Hertenperch, der daz duerch vensrer pett willen im selben an schaden dar an gehenchet hat, wan wïr aigen In-||
sigel niht haben, dar vnder wïr vns paidiv verpinten mit venser trewen. Dez chauffes sint gezivg Chůnrad der Charg ||
von pfaffenhouen, Hainrich vnd Chůnrad peid Stiker, Hans der wirt ze Stams, vnd Vell, der Gastchneht||
vnd ander erber leut genueg die da bi waren. Der ist geben nach Christes gepuert drivzehen hundert iar da nach||
in dem aht vnd fuenfzigisten Jar an Sant Lucien tag.