... recht und redleich gesaczt habn unsers rechten eribs zwen hof, der ain gelegen in der Aynacht, do zu den Zeiten aufgesezzen ist Lienhart der Sumer, und dient alle iar ierleich ein halb phunt Wienner d aufsand Gorgentag und ein halb phunt Wienner d aufsand Michels tag. Und der ander hof ist gelegen zu Liebenreuten, do Dietel der Sneider zu den Zeiten aufgesezzen ist, und auch alle iar ierleich dient 45 Wienner d aufsand Gorgen tag und 45 Wienner d aufsand Michels tag und lechn sind von unserem genedigen herren hern Jansen von Stadek, mit allen den eren, rechten, wirden und nuczen ...Also habn wir sew gesaczt dem erbern mann Rudiein von Teuffenpach, zu den Zeiten purkraf zu Vestenburch, seiner hausfrawn und allen iren erbn umb 10 phunt alter, guter Wienner d, der wir gar und gancz von in gericht und gewert sein.