... einen auzwechsei getan haben mit dem erberen mann Hertlein von Teuffenpach und mit allen seinen erben. Also daz wir in geben haben unsers rechten vrein aigen gutz, daz zu unserm gotzhaus gehört hat: Ein dorfzu Lunkwitz mit sampt der öd, di der Trechan und Vasolt zu den Zeiten inne heten. Und ein hofstat gelegn zu Sefriczdorfpei dem see... Also haben wir di egenanten guter gebn dem vorgenanten erbern mann Hertlein von Teuffenpach und allen seinen erbn in furbas ledichleich und aigenleich inn zuhabn mit rechter aigenschaft als ander ir aigenschaft gut. Also beschaidenkich daz si uns und unserm gotzhaus dar umb her wider geben habent auch irs vrein aigenhaften gutz: Von erst einen hofpey der Linden, do Mert zu den Zeiten aufgesezzen ist, und auch dez Nager hof, do Hainczl zu den Zeiten aufgesezzen ist. Und ain öd do pey gelegen, di der selb Hainczl inne hat. Und ein holtz da selb, da man 9 Wienner d von dient. Und ein hofstat, gelegen an der Varawleitten, do zu den Zeiten Hainrich der Moser aufgesezzen ist. Und ein hofstat auf dem Ruemberch (Reinberg bei Vorau), do Mert aufgesezzen ist. Und ein öd in der Wolf grüb. Und di egenanten guter sind gelegen in Varawer pharr. Und habent uns auch geben einen hof gelegen in Zeller pharr, do Vllrich der Luger zu den Zeiten aufgesezzen ist, und hat der selbig hof alle di recht in holcz und in wald als ander dez von Stadekk holden.