... dy zwen höf dy gelegen sind in Pirchvelderpharr, der erst, der do haysset am Puczenhof darauf dy weil gesessen ist Chunrat der Weber und dienet zu sand Jorgentag 30 d und 3ß zu sand Michels tag, der ander der da haysset an dem Gemaynhof, dar aufdy weil ist gesessen Heinrich und dienet zu sand Jörgen tag 60 d und 6 ß zu sand Michels tag und ze lehen sind von unserm genedigen herrn herrn Hansen, herrn Gotharcz von Neyperg sälig sun. Dy selbigen zwen höf, als wir sew und unser vater sälig in nucz und in lehens gewer herpracht und in gehabt haben mit aller yrer zugehörung, mit auz vart, mit in vart, alz sew mit rain umbfangen sind, nichz darin auzgeczogen, also haben wir sy verchawft dem erbern man Symon dem Rechperger und allen seinen erben umb 24 pfunt gueter Wyenner d.