... umb den kauff, so uns und unseren gottshaus geben und gethan hatt der edl und wolgeboren herr graff Herman von Monttfortt und herr zw Pregnitz umb das ambt, genantt in der Grueb, mit sambt den lewten, stuckhen, grüntten, güettern und nutzen, so dan darzue gehörent, gelegen in derpfarrzu Varaw und in andern pfharren, nach innhaltung undaufweisung des kauff brieff, so wir von im darumb haben in solcher bestandenheit, das wir uns von sunder lieb und freindschafft verwilliget haben, verwilligen uns auch wissendleich in krafft des brieffs ain widerkauff geben und in des statt thuen wellen, in welchen jähr und zu welcher zeitt das ist, das der obbemelte herr graff Herman oder sein leibseriben des namen von Monttfurt das süe seinndfuer und fuer uns oder unser nachkomen mit dem brieffernöndt undgebent uns in unser gottshaus Varaw 800 gülden Ungarn und duccaten guet in goldt und gerecht und swär genueg auf der wag. Und so ferr das gethan haben, so schullenn wir in des obgenantten ambts lewten, stukhen, guett und güllt mit sambt dem kaufbrieff den wir von in darum haben, gänzlich widerum abtretten und im die inannttburtten an alle irrung und widersbrechen ungewürlich. Doch so ferr den benantn gülltt unndstukh widerum von unns kauffen wellen, so schulten sew unns voran ain monätt wissen lassen.