... das wir recht und redlich geben und inngeantwurt haben, geben und inantwurdten auch wissentlich in krafft des brieffs dem edlen gestrenngen ritter herrn Cristoffen Rattaler unnd allen seinen erben zw ainen rechten unnd ewigen auswechsl unnser gueter, gelegen zw Rorbach unnd an der Zeyl: Im ersten aynn hoff, am Mayrhoffgenanndt, da yetz dy Ackherlin aufsizt, unnd järlichen davon dient zw sand Jörgen tag 60 d, zw sand Michels tag 60 d,für weinfuer 6 d und zw dreyn hochzeyten ostern, phingsten, weinachten weysat, zw yeder 8 d. Item ain hoffstat, da Michel Lattinger aufsizt unndjarlich davon dient zw sand Jörgen tag 25 d unnd zu dreyn hochzeiten ostern, phingsten, weinachten weysat, zw yeder 7 d. Item mer ayn hoffstat da der Innawgel aufsizt und järlichen davon dient zw sand Jörgen tag 25 d und zw dreyn hochzeiten ostern, phingsten, weinachten weysat, zw yeder 7 d. Item aber ajn hoffstat da Larenz Vashanng aufsizt undjärlich davon dient zw sand Jörgen tag 50 d, zw phingsten [...]; zw aller heiligen tag von 2 infangen 20 d und 10 dfur weinfuer. Item mer ain hofstat da Peter Orhol aufsizt und järlichen zw sand Jörgen tag davon dient 25 d und vor ainer öden 24 d, zw phingsten 5 käs oder 20 d und zwar von der öden zw phingsten 5 käs oder 20 d, zw aller heiligen tag von 1 infang 10 d, weinfuer 7 d und von der öden weinfuer [...];. Darnach aber ajn hofstat da Jerg Kalbschedl aufsizt unndjarleich davon dient zw sandjergen tag 30 d, zw phingsten 10 käs oder 40 d, zw aller heiligen tag für weinfuer 10 d, und allefreis ajgen sind und haben [...] ausgewechselt gegen den güettern in derphar zw Wenigzell, dy auch freis ajgen sind, nach innhalt ains briefs, so wir von im gehabt haben.