... das wir dem edln unnd vessten Fridrich von Sawraw und allen seinen leiberben mandliches stambs sein mayerhof, gelegen in der Aw bey der Weissen Laffnitz in Munichwallderpfarr, mit pybmerckhenn und rayn, wie von allter rechtlich darzu gehören, so er auf unnsers gotzhaus grunndten und davon jarlich diennt hat 6 ß d und ainen yedlichen vogt 4 wecht habern, Spruch, vadrung behabt, recht und urtail halben, so er auf uns, unnsers gotzhaus grundt und gueter behabt und erlanngt hat, gantzlich gefreyt haben. Freyen in auch den wissentlichen in khrafft des briefs, damit er noch all sein leiberben mandliches stambs von dem gemelten mayerhof zethun davon nichtz mer schuldig sein, sonnder den nutzen und innhaben mögen und damit hanndln aus mit anndern irnn aygen, freyen gut an all unnser und unnserr nachkhomen oder ander yemanndes von unnsernwegen irrung und widersprechen alles trewlich an gevarde.