(Otakarus Dei gratia) Rex Bohemie, Dux Austrie et Styrie et Marchio Moravie omnibus hanc paginam inspecturis gratiam (et bonam voluntatem). Noueritis nos priuilegia fratrum in Wilheringe a Levpoldo quondam duce Austrie pie memorie donata perspexisse et tenorem subnotatum in eis inuenisse: In nomine sancte et indiuidue trinitatis Levpoldus dei gratia dux Austrie et Stirie omnibus christi fidelibus (Es folgt die Urkunde Herzog Leopold's VII. vom 15. December 1202.) - Nos vero proprie saluti prouidentes et meritorum dei seruos promouentium participes effici cupientes, predictam gratiam eisdem indulgemus et sigillorum nostrorum robore confirmamus, Mandantes uobis et districte precipientes, ut premissam eis donationem inuiolabiliter obseruetis. Datum Wienne Anno domini M. CC. LXX. VI. kalendas Februarii presentibus testibus subnotatis : Petrus prepositus de Wisherat, Dobihs prepositus de Melnik, Magister Vlricus prothonotarius, Magister Gerhardus de Wienna. Eberhardus plebanus de Ruspach, Wernherus plebanus de Holabrunne, Dominus Nicolaus filius regis, Heinricus comes de Hardekke, (Zmielo) de (Strielz), Hartlibus camerarius Morauie, Otto de Perhtoltstorf, Otto de Haslawe, Chadoldus de Waeching, Fridericus Dapifer de Lengepach, Hadmarus de Werde et alii quam plures.

Source Fulltext: OÖUB 3 (Wien 1862) S. 369-370, Nr. 396