H. dei gratia Comes palatinns Reni, Dux Bawarie Omnibus Mutariis et Jvdicibus suis iuxta Danubium constitutis gratiam suam et omne bonum. Noueritis nos priuilegia Fratrum in Wilheringen a Friderico quondam duce austrie pie memorie nostro antecessore donata perspexisse et tenorem subnotatum in eis invenisse. Fr. dei gratia Dux Avstrie et Stirie et dominus Carniole Omnibus Mutariis et Jvdicibus suis ivxta Danubium constitutis Graciam suam et omne bonum. Cum iuxta solitam progenitorum nostrorum pietatem honorare debeamus ecclesias et ecclesiasticas personas, in quarum honore deus honoratur, specialiter tamen dilectorum nostrorum abbatis et conuentus in Wilheringen inmunitatem et libertatem ipsis a progenitoribus nostris et a nobis indultam minuere nolumus, sed augere; Qva re fidelitati vestre mandamus sub optentu gratie nostre precipientes, quatenus gratiam, quam ex nostra concessione cum inmunitate hactenus habuerunt, conseruetis predictis Fratribus inconcussam Ita, quod in ducendis victualibus uel aliis rebus propriis ad vsus ipsorum pertinentibus tam in terris quam in aquis, in ascensu et descensu ab eis nichil penitus exigatis. Preterea talentum Salis maioris ligaminis sev ponderis transducendi semel in anno sine omni muta eisdem liberam concessimus facultatem, provisuri diligentius, ut illa ecclesia nunc et in posterum sic gaudeat de indulta sibi gratia, vt nos propter hoc aput deum digna recipere possimus premia meritorum. Nos vero proprie saluti providentes et meritorum dei seruos promouentium participes effici cupientes, predictam gratiam eisdem indulgemus et sigilli nostri robore confirmamus mandantes uobis ac districte precipientes, vt premissam eis gratiam et donationem inviolabiliter obseruetis. Datum in Lintz Anno Domini M CC. LXXVIII Tercio Kalendas Decembris.

Source Fulltext: OÖUB 3 (Wien 1862) S. 490-491, Nr. 531