Ich Hadmar von waldeck tun chunt allen den, di disen brief sehent vnd Horent lesen, das Alber der Stainer mein diener mir das gelubt hat vor erbern lewten, das er noch sein hausfrawe noch seiner chinde chains das gotzhaus ze wilhering noch sein lewt noch sein gu^et mit chainem gwalt noch mit chainen Sachen fürbas laidigt noch beswa^ert vmb dj hu^eb ze Rudlaiching an mit recht alein, er sei mein diener oder nicht, vnd gib ich den vorgnanten herren ze wilhering, abt wisent vnd seiner Sampnung disen brieff dar vber ze einem vrchu^ende versigelt mit meinem jnsigel vnd veruessent mit den zeugen, di hye geschriben stent, das ist Hainrich vnd Chu^enrat bru^eder von O^ede, Charel Rasperch vnd ander piderb levt gnu^ech, das ist geschehen, do von Christs gepurd waren Tausent jar, drevhundert jar, in dem Newnten Jar.

Source Fulltext: OÖUB 5 (Wien 1868) S. 31, Nr. 27