Nos frater wisento dictus Abbas in wilhering tenore presentium profitemur, quod nos de conmuni nostri Conuentus consilio et assensu feodum nostrum in wu^ergeldorf situm locauimus iure precario, quod wulgo leibgeding nuncupatur, vlrico Colono nostro et vni puerorum suorum, qui post patris mortem nobis has litteras presentauerit, sub hoc pacto videlicet, quod idem vlricus et puer suus supradictus ad tempora sua de dicto feodo Ecclesie nostre seruire debeant Qvinque solidos denariorum veterum annuatim. Quem censum si prefato non exsoluerint tempore, pro emenda sexaginta denarios ministrabunt, Si vero ad quatuor Septimanas dare distulerint, pro dilacione ipsos denarios duplicabunt. Si autem ad sex Septimanas solucionem protraxerint, ipsam sex solidis emendabunt. Postea vero si sepefatum non dederint censum, extunc iure suo pro temeritate penitus priuabuntur Hoc nichilominus adiecto, quod post predicti vlrici ... , tam pro mortuario quam locacione feodi media libra denariorum nobis cedet finaliter ab vtroque et quod nulli predictorum sepefatam possessionem vendere sev obligare aut ab Ecclesia nostra alienare licebit sine nostra licentia speciali. In Cuius rei testimonium presentes ipsi vlrico porreximus litteras sigilli nostri robore conmunitas Testibus cum subscriptis, videlicet Hainrico Innerseario, Hilbrando asenhaimario, Gervngo et Friderico filiis eiusdem et aliis pluribus fidedignis. Datum anno Domini M°, CCC°. vndecimo proximo Sabbato in vigilia sancti Jacobi Apostoli.

Source Fulltext: OÖUB 5 (Wien 1868) S. 60-61, Nr. 58