Charter: Urkunden (827-1854) 1316 IX 01
Signature: 1316 IX 01
Add bookmark
Edit charter (old editor)
1. September 1316, Linz
Simon, der Schreiber Mauter zu Linz, vermacht dem Kloster Wilhering im Fall seines Todes auf der Reise zum König seinen Weingarten zu Stein und eine Wiese zu Ottensheim.Source Regest:
OÖUB 5 (Wien 1868) S. 175-176, Nr. 176
OÖUB 5 (Wien 1868) S. 175-176, Nr. 176
Current repository:
Stiftsarchiv Wilhering (www.stiftwilhering.at)
Stiftsarchiv Wilhering (www.stiftwilhering.at)
Das Siegel ist verloren gegangen.
Material: Pergament


(I)Ch Symon der Schreiber Mauter ze Lintz vergich vud offen an diesem brief allen den, die in sehent oder hoerent lesen, daz ich mit verdahtem mvt vnd mit gueter gunst vnd willen meiner housvrowen vron Agnesen vnd aller meiner erben han verschaft vnd gegeben vreilichen ab meiner sel vnd meiner Housvrown vnd aller meiner vrevnt vnser vrowen vnd dem Gotzhaus ze wilhering meinen weingarten, der da haizzet der Muelstain vnd gelegen ist an dem viertail ze stain, vnd mein wis, di ich han ze Ottenshaim in dem scharn vnd da von ich an sand Gorigen tag dien iaerchleich ze Pv°rchrecht drey haelbling, vnd han ez getan also redlichn vnd beschaidenlichn, ob ich auf dem gevert vnd an der rays hin auf gan dem Chvnig zv dem Reine von gotes pot verschaide vnd veruare vnd her wider haim niht enchvem, so solen sich di Herren von wilhering vnderwinden des selben weingartes, der da genant ist der Mv°lstain vnd der wise ze Ottenshaim, als si vorgenant ist, vnd svlen daz inne haben ebichleichn in gerechter eigens gwaer an allen chrieg, vnd daz dis gab vnd dis red also staet beleibe, so gib ich ze einem vrchvnde dem Gotzhaus ze wilhering disen brief versigelten mit meinem jnsigel vnd bestetigt mit disen zevgen, daz ist Mathe der Richter, wernhart an dem vrůar, Hainrich sein bruder, Fridrich der Tv°ngazzinger, Mathe der Poeschinger, vlrich hern wernhartz svn an dem vrůar půrger ze Lintz, Chunrat der chvrsner, jans, vlrich der Roech, wernhart daz chint purger ze Ottenshaim vnd ander piderb levt gnv°ch, den daz chvnt ist. Daz ist geschehen daz Lintz auf dem Mauthaus vnd han auch ez geoffent vnd aufgegeben vor der gmain der Pv°rger, do von Christes geburd waren Drevzehenhvndert jar, darnach in dem saecht zehenten jar an sant Giligen tach.
Source Fulltext: OÖUB 5 (Wien 1868) S. 175-176, Nr. 176
Original dating clause: an sant Giligen tach
Language:
Places
- Linz
Wilhering, Stiftsarchiv, Urkunden (827-1854) 1316 IX 01, in: Monasterium.net, URL <https://www.monasterium.net/mom/AT-StiAW/Urkunden/1316_IX_01/charter>, accessed 2025-03-15+01:00
You are copying a text frominto your own collection. Please be aware that reusing it might infringe intellectural property rights, so please check individual licences and cite the source of your information when you publish your data
The Charter already exists in the choosen Collection
Please wait copying Charter, dialog will close at success