Ich perchtold der pendorfer puriger datz chrems vnd mein hausfrauwe vro Dimv°t veriehen vnd tuen chunt allen den, di disen prief sehent oder ho^erent lesen, daz wir mit verdahtem mut vnd mit guetem wille vnser chinder, swi si sint genant, haben ze chauffen gegeben der erbern sampnunge des closter von wilhering fumf vnd vier zich pfenninge auf einem ieuh weingarten an dem weinzu^erlerperig di vnser purchreht sint gebesen, di si uns habent gedint an sant mychels tach. daz daz vorgenant closter sol haben di selben gult ewichleich an alliu ansprach unser vnd unser gerben, di nu sint oder nah vns chumftich werdent vnd daz disiu schah (sic) stet un vnuerchert weleibe, darumbe gib ich dem selben closter disen prief versigelt mit meinem insigel. Der chauf ist geboruen nah christes geburt vber tausent iar vnd uber dreuhundert, dar nah in dem sehtzehentem iar an sant lucein tach.

Source Fulltext: OÖUB 5 (Wien 1868) S. 177-178, Nr. 179