Ich Graff Hainrich vnd Ich Graff Conrad vettern von Schawnbergk vnd wir Graff Wernnhart, Ruedolff vnnd Wilhalm Brueder von Schaunbergk verihehen vnd thuen khundt allen den, di disen brief sehend oder horend lesen, die nun sind vnd hernach khunfftig werdent, Das wir mit gutlichen willen vnnser vnd ander vnnser Brueder vnd aller vnnser erben vnd auch mit bedachtem Muet vnns veraint vnd Beraten haben, Das wir gemainclichen vnnser Frawen vnd den Herren des Gotzhaws zw Wilhering ab vnnser vordern sel, ab der vnnsern vnd auch ab aller vnnser nachku^enfftigen sell haben gegeben zw einem Sellgera^ett freyung vnd fuerfart an vnnser Mawttstat zw Aschach also gentzlichen vnd ledigclichen, das dieselben Herrn zw Wilhering alles das, das jr aigenhafft guet ist, wie es genant wirdt, vnd daz Sy zw pesserung jrer phruenndt wellendt anlegen, ewigclich sullen fuer vnnser vorgenante Mawt zw Aschach füern, ab vnd auf wann Sy wellennt vnd als offt Sy des bedurffendt jm jar on alle vordrang vnd on alle Mawt. Wir wellen auch vnd enpietten allen vnnsernn Mauttern, die ze disen Zeiten sind oder khunfftigclich werden, das sie das selbe vnnser Sellgera^et dem Gotzhaws zw Wilhering an chainen sachen khrenngken, sunder sie lassen alles jr guet fuern, was Sye wellendt, on all pranchsal (sic) vnd on all jrrung, Vnnd das die gab vnd die andacht also sta^ett vnd ewig beleib, des geben wir dem Gotzhaws zw Wilhering disen brief, Der ist geben do von Christes geburt waren Tawsent drewhundert jn dem drey vnd zwaintzigisten Jar, an sannd Margrethentag.

Source Fulltext: OÖUB 5 (Wien 1868) S. 366, Nr. 371