Ich Wernhart der Graff vergich offenbar - das ich - hab aufgegeben meiner gesweiden Herwarten vnd meiner swester Elspethen vnd iren bayder erben alle die recht, die ich han zu dem Grafenlehen zu Rudleinstorf in Heresinger pharr, wann ich rechter erb dartzue bin, rnd hab das getan vor erbern leuten besonderlich vor Fridrichen dem Kresling zu den zeiten purkgraf datz Heytzenegk, vnd sol der vorgeuant Herwart vnd sein erben das vorgeschriben||
gut innhaben in satz gwer fu^er zwelf phundt alter wyenner phenning. Wer aber das, das yemand pesser erb darzue wolt sein, der geb dem vorgenanten Herwart vnd seinen erben die zwelf phunt phenning. - - Darvber gib ich in den brief besigelt mit Fridrichs des Kresslings anhangunden insigel. - Der brief ist geben - dreytzehenhundert jar darnach in dem siben vnd funftzigisten jar an sand Ruprechtstag.

Source Fulltext: OÖUB 7 (Wien 1876) S. 496, Nr. 489