Albertus Dei et apostolice sedis gracia episcopus Pataviensis omnibus in perpetuum. Dudum siquidem inter venerabiles et religiosos viros Andream abbatem et conventum monasterii in Wilheringen ordinis cysterciensis nostre diocesis parte ex una, et discretum virum Chunradum plebanum in Teras dicte nostre diocesis de et supra prebenda vicarie in Teras plebanis ibidem regentibus assignanda materia dissensionis suborta. Nos meritis et allegacionibus parcium auditis et intellectis consideravimus de consilio juris peritorum, quod ad presentacionem religiosorum eciam exemptorum non debent in ecclesiis ipsorum rectores institui nisi primo tantum eisdem assignetur unde incumbencia onera subire possint et congrue sustentari, nec valet contraria consuetudo ut patet in constitucione Clementis quarti que incipit: "Suscepti regiminis". Et quia ex informacionibus parcium invenimus sufficienter probatum, quod porciones sive prebende vicarie in Teras ex desolacione cujusdam concursus que quondam ibidem viguit excessive sint diminute, Nos igitur in refusionem predictorum omnes decimas majores et minutas in villa que dicitur Teras quas dictus abbas et conventus in Wilheringen retroactis temporibus possederunt, predicto plebano et ejus successoribus nec non vicarie sive ecciesie parrochiali in Teras perpetuo tenendas et possidendas loco prebende et porcionis canonice de consensu utriusque partis adjudicamus et assignamus nostra sentencia diffinitiva mediante, de quibus onera papalia episcopalia archidiaconalia hospitalitatem et cetera onera incumbencia comodosius (sic) possit subportare, super ceteris bonis et decimis dicte ecclesie in Teras predicto plebano et ejus successoribus perpetuum silencium imponentes, volentes ut dictus plebanns in Teras suique successores hiis decimis et aliis bonis prius habitis sint contenti nec abbatem et conventum in Witheringen in aliis suis decimis dicte parrochie in Teras quomodolibet in futurum perturbare inquietare seu molestare presumant, si divine ulcionis et nostre ac successorum nostrorum indignacionis vindictam voluerint evitare. In cujus rei evidens testimonium presentes damus literas nostri ac venerabilis capituli nostri sigillorum appensione munitas. Datum Patavie die penultima mensis Jullii anno millesirao ccc (:"sexagesimo nono:" im Vidimus von 1628).

Source Fulltext: OÖUB 8 (Wien 1883) S. 426f., Nr. 432