Pileus miseracione diuina tituli sancte Praxedis presbyter Cardinalis apostolice sedis nuncius zc. Reuerendo religioso viro . abbati ... ordinis .... diocesis Salutem in domino et mandatis nostris ymo verius apostolicis in hac parte firmiter obedire. Habentes circa varia diuersa et ardua negocia factum fidei katholice statum sancte Romane ecclesie et sanctissimi in christo patris et domini nostri domini Vrbani diuina prouidencia pape. VJ. bonumque reipublice et ordinis vestri honorem, statum comodum et profectum concernencia euidenter ex commissione et mandato dicti domini nostri pape prelatorum secularium et regularium et aliarum personarum, de quibus nobis visum foret, Alamannie, Bohemie, Polonie et aliarum parcium implorato consilio provide et volentes mandatis apostolicis firmiter obedire circa praemissa prout sui gracia altissimus concesserit, prouidendo, et super felici, vt speramus, prosecucione consumacione et execucione predictorum volumus et protinus intendamus, inter ceteros abbatum omnium ordinis vestri per Alamaniam, Bohemiam et Poloniam existencium participare consilium vos presencium tenore apostolica auctoritate monemus et requirimus in virtute sancte obediencie. et sub excomunicacionis pena, quam, si nostris infrascriptis mandatis non parueritis cum effectu, ex nunc prout ex tunc canonica monicione praemissa vos incurrere volumus ipso facto districte praecipiendo mandantes. quatenus in proximo venturo festo Assumpcionis beate Marie virginis gloriose, in Nu^eremberch, Babenbergensis diocesis debeatis personaliter esse et pro praedictis conuenire nobiscum, ut diuini numinis gracia impetrata et vestro et aliorum participatis consiliis ad nobis conmissa adimplenda feliciter illustremur, Supra dictum terminum vobis pro primo, secundo et tercio peremptorie presentibus assignantes, sub eadem pena vobis presencium tenore eadem auctoritate mandantes. quatenus auctoritate nostra ymmo verius apostolica per vos vel alium seu alios moneatis, canonice requiratis, quos nos eciam tenore presentis¹⁾ requirimus et monemus omnes et singulos ordinis vestri Abbates per dicta Alamannie, Bohemie et Polonie partes et regna constitutos, eisque et eorum cuilibet sub exconmunicacionis pena, quam in non parentes nostra auctoritate proferatis in scriptis, super quo vobis plenam concedimus facultatem. et ex nunc prout ex tunc. nos eciam proferimus canonica monicione praemissa et sub aliis penis. in eos et eorum quemlibet nostro ac eciam²⁾ vestro arbitrio proferendis et infligendis districte mandantes. quatenus eadem die videlicet Assumpcionis supradicte in supradicto loco videlicet in Nu^eremberg sint personaliter et pro praedictis conueniant. simili modo nobiscum. Alioquin contra vos et ipsos si vos vel ipsi inobedientes fueritis vel fuerint ad ipsius execucionis summe publicacioni³⁾ et denunciacioni3) et ad alia grauiora mediante iusticia procedemus. Has autem literas nostri sigilli impressione munitas, quas ad cautelam registrari⁴⁾ iussimus presentari, de quarum presentacione relacione eorum nuncij nostri Jurati. dabimus plenam fidem. Datum Prage in domo habitacionis nostre die. X. mensis Maij Anno domini M°. CCC°. LXXIX°. Jndiccione. IJa. pontificatus sanctissimi in christo patris et domini nostri domini Vrbani diuina prouidencia pape VJi. anno secundo.

Source Fulltext: OÖUB 9 (Wien 1906) S. 626-628