Ich Hainreich zu Nydern Heumad, Hensel, Werntzel, Ottacker all vier geprüder, Elspet ir swester/ und Chunrad ir vetter, verichen unverschaydenleich miteinander für uns und all unser erben und fur/ unsern pruder und vetter Hensel, der nicht zu lannd ist, offenleich mit dem brieff allen den, dy in sehen/ oder horent lesen, das wir mit unserr lieben mümen Anna Gengel, des Prewer tochter und/ Wernharts des Obernhübmair swester tochter gantz und gar verrichtt und veraint sein umb/ all zuspruch stoss und eribschafft, so wir mit einander gehabt haben nach ratt und hayssen [erber]/ und frumer lewtt vor dem erwirdigen unserem gnädigen herren, herrn Stephan, abbt ze Wilhering, [als das]/ wir all vorgenanten pruder und vetter und all unser erben, und auch unser pruder und vetter Hensel, der/ nicht zu lannd ist, fur den wir uns all miteinander unverschaydenleich haben angenomen, hinfur/ nymermer hincz unser lieben mümen Anna und irm gut wellen noch sullen gewinnen, noch haben/ mit recht noch an recht in chainerleichweis ungevärleich, chainen zu spruch noch vodrung, sunder/ sy mag mit allem irem gut tun und lassen, schaffen und hanndeln, als ir das am pesten fuget von/ uns und allen den unsern ungeirret, ausgenomen, ob uns der tod ichtt gab und des zu urchund geben/ wir vorgenant vier pruder mit sampt unser swester und unserem vetter fur uns und all unser/ erben und unsern vorgenanten pruder und vetter Hensel, der nicht zu land ist unserr lieben vorgenanten/ mümen Anna und allen iren erben den brief versigilten mit des vorgenanten erwirdigen herren, herrn Stephan,/ abbt ze Wilhering anhangunden insigel, den wir auch darumb vleizz(ichleich) gepeten haben und auch in dem/ anspruch also gemelt ist warden, im und seinem gotzhaws anschaden; darunder wir uns all ver-/pinden gänczleich mit einander fur uns und all unser erben und fur unsern prüder und vetter, der/ nicht zu lannd ist, mit unsern trwen an aydes stat alles das stet zu haben, das vor an dem brieff/ verschriben ist, der geben ist nach kristi gepurd vierczehen hundert jar darnach indem zwain-/und zwainczigkistem jar an mantag vor dem heyligen ostertag.