Ich Anna des Mertl[ein] ze Obern Mulpach säligen witib, ich Dorothea, ich Elspet und ich Agnes, der obgenanten Anna tochter, veriehen fur uns, all unser/ erben und miterben und tun kund offenleich mit dem brief allen den, dy in sehent, horent oder lesent, das wir uns liebleich und frewntleich nach frummer/ lewt rat auf ein gancz enndt veraint und gericht haben mit dem erwirdigen geistleichen herren herrn Ulreichen, dy zeit abbt ze Wilhering und dem con-/ vent daselbs von unser gerechtikait wegen, so wir mainent ze haben auf dem gu/et das gehaisen ist das Stoltzleinslehen, da etzwenn auf gesessen ist/ maister Chunrat, unser vatter und endel, gelegen im Obern Mulpach in Schonheringer phar im lanndgericht im [Tunawtal] darumb uns ein benuegen geschehen/ ist, dar an uns wol benuget und hinfuer benugen schol, also in der beschaiden, das wir obgenant […] und Agnes, all unser erben und miterben/ noch ander yemant von unsern wegen chain ansprach noch vodrung hinfur ewikleich gegen […] [erwirdigen geistleichen] herren dem abbt, dem convent/ des gotzhaws ze Wilhering auch gegen dem erwirdigen gotzhaws Wilhering und gegen allen iren lewten und [gegen allen iren] […] sunderleich von des obgenanten/ eribtails wegen, dar auf noch darnach nymer haben noch gewinnen sullen, weder mit recht, noch an [recht, in chainerlay] weis angever; wann wir uns seiner gancz/ verczihen haben und verczeihen uns sein auch wissenleich in krafft des briefs darin ausgenomen ob […] tod ich […] das uns rechtleich an erben schule,/ des verczeich wir uns nicht; sy mugen auch mit dem obgenanten unserm eribtail, so uns […] frumen damit schaffen,/ mit verseczen, verkauffen und darauf seczen, wen sy wellen an uns, aller unser erben und […] wir mit in daruber kriegetten/ rechtten oder ta/etten, es wer mit geistleichen oder weltleichen rechten, da haben sew an aller stat gegen uns, unser erben und miterben erlangt, behabt und gewungen/ und wir gegen in verloren, wo der gegenburtig brief furkumbt und geczaigt wirdet, des zu urkund geben wir alle oben genante in den offen brief fur uns,/ all unser erben und miterben, versigilten mit des edeln Wolfgang Weissenpecken und mit des erbern weysen Vlrichen Munichmayr, purger ze Everding, ir paider/ anhangunden insigillen, dy wir fleissikleich darumb gepeten haben, in und iren paiden erben an schaden; undter dy insigel wir uns all oben benante in aides weis/ verpintten, alles das war und sta/et zehalten, das an dem brief geschriben steet, der geben ist nach kristi gepurd vierczehenhundert jar und darnach in dem sechs und/ vierczigisten jare an sannd Benedicten tag.