Ich Thoman ze Payring, mit sambt mir mein hawsfraw, bekennen fur uns und all unser eriben, tod und lembtig oder hernach kunftig/ und tun kund offenleich mit dem brief allen, den er furkumbt sehent, horent oder lesent von aller der czwittracht und spruch wegen,/ so ich czu dem erwirdigen geistleichen, meinem gnadigen herren abbt Gorigen ze Wilhering und dem erwirdigen gotzhaws daselbs/ von wegen ains zehentz, der da gelegen solt sein im Derrenpach, darumben ich meins herrn herrn Gorigen von Liechtenstain ain czeit czu Steyreck/ gefangen gewesen [pin] und auch sunst von aller raittung, stoss, czwittracht und spruch, so ich czu in und irem gotzhaws gehabt hab/ und sich zwischen zwischen unser baider tailen vergangen und verlauffen hat unczt auf heuttigen tag, nichtz darinn ausgenomen/ noch hindan geseczt angever, und umb das alles haben sich frum erber lewt czwischen unser angenomen und darumben mir ain sum/ gelts gesprochen, daran mich wol benueget und dez ich gancz und gar von in gericht und gewert pin ze rechtter weil und czeit an/ allen schaden, also in solicher beschaiden, das ich obgenantter Thoman, mein hawsfraw und all unser erben, noch ander yemant von/ unsern wegen khain ansprach noch vodrung und czuspruch hinfur ewigkleich nymmer mer haben noch gewinnen czu dem erwir-/ digen geistleichem, unserm gnadigen herren, abbt Gorigen cze Wilhering und dem convent daselbs und allen iren nachkomen/ und darczu allen iren leutt und hindersassen von aller obgemelter sach wegen, weder mit recht noch an recht, geistleichem noch/ weltleichem rechten, in khainerlay weis treuleich und ungeverleich; und wo wir oder ander yemant von unsern wegen dawider krie-/ getten, rechttetten oder tatten, es wer von geistleichem oder weltleichem rechten, da habent sew an aller stat gegen uns recht erlangt/ behabt und gewunnen und wir gegen in genczleich unrecht und verloren, wo der gegenwurttig brief furkumbt und geczaigt/ wirdet; es ist auch beredt worden, das ich obgenantter Thoman auf dem hof genant cze Payring, der dez benantten gotzhaws cze/ Wilhering freys aigen ist, bleiben und siczen sol unczt auf dy nachst kunfttigen liechtmessen nach datum dez briefs, an schaden und/ auch ubergreiffen [dem] benantten [meinem] gnadigen herren abbt Gorigen und seinem convent und dem gotzhaws Wilhering/ und dem be[nanten] [hof cze] […] an alle irrung meinem brueder dem Awer und wann dann dy obgenantten liecht-/ mess nu komen sind, [dan] sol in […] auscziehen und hincz dem benantten hof nymer czesprechen haben angever, es wer dann,/ daz mich mein gnadig herren abbt Gorig ze Wilhering und sein convent daselbs willigkleich und gern wollen verrsiczen/ lassen, aber sunst sol ich mich ausziehen an alle widerred, und dez czu urkund gib ich in den offen brief besigeltten und wol/ bestatt mit der edeln und vesten herrn Sigmunden Kirichperger von Kirichpergk und Valentin Hohenecker, aller paider anh-/ angunden insigeln, dew ich obgenantter Thoman mit vleiss darumb gepeten hab, doch in und allen [irn baiden] erben [an schaden];/ darundter ich mich fur mich und all mein erben mit mein trewn in aides weis verpindt, alles [war und] stat zehalten, [das] oben/ an dem brief geschriben stet, der geben ist nach kristi gepurd vierczehenhundert und in dem zway und funfczig[isten jar]e/ an sun[tag?] [als] man singet judica in der [vassten]. [der] sach sind [zewgen] und daz man umb dy insigel gepten hat dy edeln/ und erbern Conrat Ecker ze Everding, Gorig Streytwitz, statrichter [daselbst] und Ruprecht, dez [von Starhemberg] dienner und/ ander frumer lewt genueg.