Ich Ku/encz Pintter, ettwenn gesessen auf dem Tennkkenmayr guet zwm Newndorff und Hannsen des Schuester/ swn da selbs, vergich fur mich, mein hausfrawn Anna und all unser eriben und thuen kund offennleich mit dem brief/ allen, den er furkumpt sehent, hornt oder lesent von aller der zwitracht stoss und mysshelung wegen so zwischen/ des erbirdigen geistleichen herren herrn Ullreichen, abbt zw Wilhering und dem convent daselbs und/ mein gewesen sind von wegen ains kaufrechts, so ich von den benantten meinen genadigen herren auf das/ obgenant Tenkkenmair guet kaufft het und dasselb guet ich dann mit zymer und anderm paw furgeczogen hab,/ wie sich dann die selben cwitracht, stoss und mysshelung alle zwischen unser payder tail bisher auf hewtigen/ tag vergangen und verlauffen haben, nichts darinn ausgenomen und darumb umb es alles und erberg la/ewt/ ganncz auf ein enndt mit einander auf payden tailen verricht und geaint haben, also das ich obgenanter Ku/encz/ Pintter den egenantten meinen gena/edigen herren dem abbt und dem convent ze Wilhering dasselb mein/ kaufrecht auf dem benantten guet willigkleichen abgetreten und nach rat erberiger lawt uber gegeben hab/ und ingeantwurt aus meiner nucz und gewer in ir nucz und gewer und darumb umb es alles mir ain sumb/ gellcz gesprochen ist, daran mich wol benuegt hat und […] […]gen sol und des ich gancz/ enntricht und beczalt pin worden czu rechter weil und czeit an allen schaden in solicher beschaiden, das ich obge-/ nannter Ku/encz Pintter, Anna mein hausfraw und all unser eriben noch yemancz ander von unsern wegen von/ solcher obgemelten sach wegen hincz den erbirdigen geistleichen meinen genadigen herren dem abbt czw Wilhering/ und dem convent daselbs, irm goczhaws und allen irn hindersassen und sunderleich allen den, dy das obgenantt/ guet hin fur inne haben und darauff siczen kain ansprach, zuespruch, meldung noch vodrung hin fur von aller/ vergangen sach wegen nymmer mer haben sullen noch en mo/egen, weder mit recht noch anrecht, in khainerlay/ weys angevar; wann wir uns, ich obgenantter Kuncz Pintter und Anna, mein hausfraw fur uns und all unser eriben/ des obgenantten guts mit seiner zegehorung gancz verczigen haben und verczeihen uns sein hin fur ymmer und/ ewigkleich wissenleich in kraft des briefs; sy mugen auch nu hin fur das obgenant ir guet mit seiner zuegehorung/ stifften und dar auf seczen, wen sy wellen und damit hanndeln und tuen, wie sy des verlust und guet zympt an unser/ und aller unserr eriben und manigkleichs von unsern wegen einsprechen, irrung und hindernuss; und was wir da/ wider mit in anhueben kriegten, rechten oder ta/eten, es wa/er mit geistleichem oder weltlichem rechten, da haben wir/ an aller stat gegen in unrecht und verlorn und sy gegen uns unsern eriben recht behabt und gebungen mit urkundt/ des briefs versigelt und besta/ett mit des edeln vesten Walthasarn des Schallenberger czu Wachsenberg und Erharts/ dez Haberstorffer, die czeit pfleger daselbs, paider anhangunden innsigl, dy wir mit vleizz darumb gepeten haben, in und/ irn eriben an schaden; darunder wir uns und all unser eriben mit unsern trewn in aydes weys verpintten, alles das war und/ sta/et czu halten, das der brief innhalt. Geben an sannd Tyburczen und Valerian tag alls man czalt nach christi ge-/ purdt vierczehen hundert jar und darnach in dem drew und ffunfczigisten jare.