Stephan der Chrigler beurkundet, daz er geschaft habe lauterleich durch got und durch aller seiner vodern und ... seiner selber sel willen den du/erftigen in der purger Spital ze Wienne zu anderm seinem geschaeft, daz er in vor geschaft hat, sein haus, den Lederhof, daz da leit in der Wolzeil zenaehst des Poltzes haus; darzu/e so schafft er in auch zu anderm gescha/eft, daz er in vor geschaft hat, seinen hof, der da leit gegen dem Spital uber, den er gechauft hat von seinem o/ehaim, Jacoben von Eslarn, mit alle deu und in dem selben hof ist und swaz darzu geho/eret, swie so daz genant ist. Er schafft ihnen auch zu anderm geschaeft alles sein wismat, swo so daz gelegen ist oder swie so daz genant ist, an die vier tagwerich wismades, die er geschaft hat hintz dem Heiligen Ga/est, und an die vier tagwerich wismades, die er gegeben hat seinem o/ehaim, Jacoben von Eslarn. Darzu so schafft er in auch zu anderm geschaeft, daz er vor geschaft hat, seinen weingarten, der da leit ze Medlich an dem Hauboltz/z, und haizzet daz Selgeraet, alz in seinem geschaeftbrief verschriben ist, und gibt in daruber disen brief ... versigilt [43] mit seinem insigil und mit seines o/ehaims insigil, hern Fridreichs dez Gna/emha/ertleins, der diser sach gezeuge ist mit seinem insigil... Geben ze Wienne, nach Christes geburt dreutzehen hundert jar, darnach in dem dreu und dreizzgisten jar, dez vreitages in der chottember in der vasten. 

Language: Deutsch