Dem erbergen man Leubel Pruenner von mir Heynreich Paternoster Mein dienst wizt tze vor. Ich lazz euch wizzen daz ich daz hauz hynder sand Pangracen vor dem purgermayster und vor dem Pilgrem hab aufgegeben und dez geltez gein meinez prueder weib dez will ich unentgolten sein und daz schoelt ir auzrichten gein den iuden, dez ir euch vervangen habt vor erbergen laueten, und dez verpint ich mich vor dem erbergen man Jacob chuersner gesworn man der stat tzu Ofen, ob ir daz gelt richt so habt ir vollen gewalt daz vorgenant hauz tzu versetzen oder verchauffen, wye euch daz fuegt. Und dez tzu einer sichern stetikheyt so hab ich gepeten den vorgenanten gesworn man daz er sein insigel hat gedrukt an dizen brif. Daz ist geschehen nach christ gepurt dreuczehen hundert iar und dar nach in dem czwey und achczigisten iar an dem tag der heyligen iunchfraun sand Agnes.

Source Fulltext: Peter Peusquens