Wier Albrecht von gots gnaden Hertzog ze Oesterreich ze Steyr ze Kernden und ze Krain, Graf ze Tyrol etcetera. Tuen chunt Als wier, unser getrewn lieben Hansen von Tyerna, Niclasen den Wuerffel und Niclasen den Stayner, zu Selbgescholn und Purgelen versetzt haben, hintz unserm lieben getrewn Albern von Potendorff umb funftausent phunt wienner phenning, die er uns, zu unsrer notdurft berait gelihen hat auf die weichnechten schierist kunftig ze richten, daz wir denselb Selbgescholn und Purgelen gelobt und verhaizzen haben geloben und verhaizzen auch mit disem brief. Ist an Si des icht schaden nement von laistung oder in ander weg daz wier Si davon gêntzlich ledigen und bringen sullen und wellen an gevêr. Mit urchund ditz briefs Geben ze Wienn an freytag nach Gotsleichnam tag Anno domini Millesimo Trecentesimo Octuagesimo quarto. dominus dux.

Source Fulltext: Peter Peusquens