Wir Albrecht von gotes gnaden Hertzog ze Oesterreich ze Steyr ze Kernden und ze Krain grave ze Tyrol etc. Embieten den erbern weisen unsern getrewn lieben .. dem Burgermaister .. dem Richter und .. dem Rat unserr Stat hie ze Wienn unser gnad und allez guot. Wir emphelhen ew ernstleich, und wellen, wa ew unser getrewen lieben Ruodolph von Tyerna unser Amptman und Ludweig von Tyerna sein bruoder, oder ir Anwalt, zaigen auf Joergen des Hauser hab und gueter, ez sein erbgueter, oder varende gueter, wie die genant oder wa Sy hie in unserr Stat gelegen sind, daz ir Sy, der, unvertzogenleich gewaltig machet, und Sy auch von unsern wegen, dabey vestik-leich haltet und schirmet, alsverr, daz Sy davon, nach des geltbriefs sag, den Sy von dem egenanten Hauser habent gaentzleich werden ausgericht, das ist ernstleich unser maynung. Geben ze Wienn an Sand Pauls tag Conversionis anno etc. nonagesimo secundo. dominus dux per Uolr(icum) not(arium) camere.

Source Fulltext: Peter Peusquens