Meinn dienst wizzet vor lieben herren, umb den chauf brief den ier mier her auf hat gesant von des Harracher haws wegen daz mier verstanden ist, pitt ich ew vleizz(igliche)n daz ier denselben brief versigilt, wann es mein gueter will ist, und warnit mich auch in den puech daz ier mich nicht auz tuet, das ich im daz wol gescherm mueg, da pit ich ew vleizz(igliche)n umb, wann ich die zeit nicht aygens Insigil han, so han ich vleizz(igliche)n gepeten, den erbern Hanns Gomann von Wysendorf, daz er den brief versigilt hat mit seinem aufgedruchtem Insigil, Im an schaden. Geben ze Weykkersdorff an freytag vor Phingsten, anno domini etc. LXXXX tercio. Von mier Hanyko dem Juden ze Weykkersdorff.

Source Fulltext: Peter Peusquens