Nos Bussco de Risenberg, Judex, Sulko de Babitz, Cristanus Helm, Augustinus Apothecarius, Cristoforus Aurifaber, Jessco de Mezerzitz procopius, Nicolai longi, Welislaus braseator, Jessko kotko, Jessco pehem, Nicolaus frolich, Pesoldus aurifaber, Petha frenifex, Dobessius rollonis, Nicolaus frankonis, Johannes de Comyn, Johannes meissner, et Marsso kozel, Consules et Jurati Cives Maioris Civitatis pragensis, Tenore presentium recognoscimus universis, quorum discretus vir Henslinus Otlinger noster Concivis, duodecim sexagenos grossorum pragensis census annui et perpetui, quas habuit super domo olim Wolframi, et pertinentiis suis universis, sita in antiquo foro inter domos Cunradi Grefel ex una et Sulkonis de Babitz parte ex altera, omni eo jure sicut ipse Henslinus eundem censum dicta domo et pertinentiis suis universis habuit, Sponte suo heredum et successorum suorum nomine vendidit, et in publico nostre Civitatis iudicio, coram nobis more solito resignavit, discreto viro Petro Smeltzer Coniurato et Concivi nostro, ementi et recipienti pro se heredibus et successoribus suis, per Centum et viginti sexagenos grossorum, dicto Henslino plene persolutis. Ita videlicet quod dicti census medietas in festo sancti Georii proxime venturo, et alia mediatas eiusdem census in festo sancti Galli deinde proxime secuturo, isto anno et sit deinceps anno quolibet deinde sequenti et perpetue, de promissa domo et eius area, necnon pertinentiis suis universis, dicto Petro heredibus et successoribus suis solvi debet contradictione qualibet non obstante Quandocumque autem in aliquo premissorum festorum festo et infra octa-vam deinde continuam census ut permittit debitus prefato Petro heredibus et successoribus suis non fuerit persolutus extunc super quamlibet sexagenos grossorum census non soluti Quatuor grossi nomine pene crescent, et consimilis pena crescet deinde septimana qualibet super ipsum censum quamdiu non fuerit persolutus, pro quibus quidem censu et penis accretis poterit in pre-missa domo et eius area necnon pertinentiis suis universis auctoritate propria sive de quorum-cunque homini auxilio volverit pignorare In quorum testimonium sigillum dicte nostre Civitatis pragensis ad preces dictarum partium presentibus est appensum. Datum Prage Anno domini Millesimo Trecentesimo Nonagesimo Octavo, feria Quinta ante dominicam Letare.

Source Fulltext: Peter Peusquens