Ich Anna hern Niclas des Wuerffels witib saelig dem Got genad bechenn offenleich mit dem brieff, daz mich her Hanns und Niclas, Uelreich Sigmund geprueder die Wuerffel verricht und gewert habent virtzig phunt wienner phenning, die mir ir vater saelig ze hawstewr geschaft hat, und ich fuerbas umb die vorgenanten virtzig phunt hintz in nichtes mer ze sprechen nach ze vadern sol haben weder vil nach wenig ich nach die mein, und sag sew der ledig und lazz mit urchund ditz brieffs versigilt mit meins pruder an hangunden Insigil Giligen von Anvelt und mit des erbern mans Insigil Pauls des Würffels, die zeit obrister amptman Hertzog Wilhelm ze Oesterreich, die ich des fleizziglichen gepeten han daz sy der sach getzeug sint mit iren an hangunden Insigiln yn an schaden dor under ich mit verpint als daz stet ze haben, waz an dem brieff geschriben stet. Der geben ist ze Wienn nach Christes gepuerd drewtzehen hundert jar darnach in dem achten und Newntzigisten jar des vreytags nach Sand Giligen Tag.

Source Fulltext: Peter Peuaquens