Nos Sigismundus dei gracia Rex Hungarie Dalmatie Croatie etc. Marchioque Brandemburgensis etc. Sacri Romani Imperii Vicarius generalis et Regni Boemie Gubernator, Notum facimus tenore presentium significantes quibus expedit universis Quod licet nos quibusdam rationibus seu induc-tionibus moti, nonnullis nostris fidelibus Regnicolis annuerimus et facultatem prebuerimus ut pro dampnis eis in Austrie aut aliis ducatibus seu provinciis ad ipsam Austriam pertinentibus illatis et irrogatis, omnes et quoslibet mercatores, ac alios Cives et populos de dictis ducatibus et provin-ciis signanter de Civitate Wiennensi ubilibet in Regno nostro arrestare, et cum rebus ac bonis eorundem prohiberi facere valerent atque possent, Tamen quia inter nos et Illustrem principem dominum Albertum ducem Austrie tanta amicabilis concordia et unio caritativa stabilita est ut ipsum Regni nostri gubernatorem instituerimus certis nostris litteris super inde concessis Nihilo-minus ad ea que Regnorum nostrorum honestam utilitatem necnon fructuosum commodum respiciunt ac profectum Igitur nos inter alia, per que Regnorum nostrorum ac Ducatus Austrie hominibus et Incolis provenire possent utilia, premissas arrestationes et prohibitiones abolendas duximus et penitus deponendas decernentes vigore presentium ac per nostrum Regium statuentes edictum, ut inantea, nulli mercatores, ac alterius status conditionis et preeminente homines de Wienna vel aliis Civitatibus opidis et villis, totius ducatus Austrie, cum mercantiis rebus venalibus ac bonis ipsorum commutabilibus in Regnum nostrum tute secure et absque arrestationis ac pro-hibitionis formidine et impedimento quolibet servatis dumptaxat et saluis libertatibus consuetu-dinibus et constitutionibus Civitatum ipsius Regni nostri, solutisque tricesima et tributis licitis et consuetis, venire et recedere quocienscumque maluerint, valeant atque possint, Quocirca vobis universis Prelatis Baronibus Comitibus Castellanis Nobilibus et Officialibus, Item Civitatibus et liberis villis Ipsarum Rectoribus Judicibus et Villicis, ac aliis quibuslibet nostris et Regni nostri fidelibus, quibus presentes innotuerint, firmissimo precipimus Regio sub edicto, quatenus prefatos mercatores, ac quoslibet homines de Austria, presertim de Wienna contra premisse relaxationis et assecurationis nostre formam, arrestare, ac prohiberi facere, aut alio quovismodo aggravare presumatis gracie nostre sub obtentu, presentes etiam perlectas semper reddi iubemus presen-tanti. Datum Posonii Septimo die festi beati Michaelis Archangeli Anno domini Millesimo Quadringentesimo secundo.

Source Fulltext: Peter Peusquens