Ich Barbara Wolfharts hausfraw des Streythofêr Vergich fuer mich und fuer all mein erben und tuen chunt allen den die den brief lesent oder hoerent lesen die nu lebent und hernach chuenftig sind, daz ich mit gutem willen mit wolbedachtem muet unbetwungenleich zu der zeit do ich es wol getuen mocht, Mich vertzigen und fuertzich getan han und vertzeich mich auch Recht und redleich mit dem brief, gegen meinem genêdigen herren Hertzog Ernsten ze Osterreich etc. der hernach geschriben Erbgueter, die Im mein muter sêlig geschafft hat, daz ist der muel ze Gumppendorf und der zwayer weingêrten gelegen dapey der zwayer haewser gelegen in der Weydenstrozz ze Wienn und eins weingarten gelegen datz sand Veyt in Lynsekchêrn also daz ich noch all mein erben fuerbas auf dieselben erbgueter alle, nymmer mer chain ansprach noch vordrung haben noch gewynnen sullen weder mit recht noch an recht in dhain weyse und daz die fuertzich und sach furbas also stêt und untzerbrochen beleib Und wannd ich obgenante Barbara selber aigen Insigil nicht hab, Darumb so gib ich fuer mich und fuer all mein erben, dem vorge-nanten meinem genaedigen herren Hertzog Ernsten und seinen Erben den brief ze einem warn urchund der sach versigilten mit der zwayer erbern mannen Insigilen Petreins des Grueber und Merten des Wachsgiesser paid purger ze Wienn die ich des vleissikchleich gepeten han daz Sy der sach gezewgen sind mit Irn Insigiln In an schaden Daruender ich mich verpind mit meinen trewn angevêr alles daz stêt ze haben daz vor an dem brif geschriben stet Der geben ist Nach Christi gepuerd viertzehenhundert Jar darnach in dem fuemften Jar an sand Ulreichs Tag.

Source Fulltext: Peter Peusquens