Ich Jorig von Potendorff und Ich Agnes sein hawsfraw Wir vergehen fuer uns und fuer all unser erben und Tun kund offenleich mit dem brif, umb die Aindlef hundert phunt wienner phenning die uns die erbern weisen, der Burgermaister, der Richter, und der Rat der Stat ze Wienn schuldig sind und gelten sullen nach des brifs sag den wir van In darûb haben. Habent sy uns das nachst kuenf-tig jar des dinsts hundert phunt und dreissig phunt der van dem egenanten gelt dasselb jar zedinen gevellet gar und gentzleich ausgericht und betzalt und sagen auch sy des gar und gentz-leich ledig und los vor aller ansprach Und darumb so haben wir sy vertrost und vertrosten si auch wissentleich mit dem brif das In die vorgenanten Aindlefhundert phunt gesten sullen von sand Kathrein Tag der schirist chûmbt ûber ein gantz jar an alles gevêr Mit urkund ditz brifes den wir In darûber geben, Besigilten mit unserm Insigil und mit des erbern Insigil Hainreichs des Chûnigs-pergêr, den wir des gebeten haben das er der sach getzeug ist mit seinem Insigil Im an schaden. Geben ze Wienn des Phintztags var sand Bertlmes Tag, (von anderer Hand auf Rasur) anno ... 5.

Source Fulltext: Peter Peusquens