Wir Wilhalm von gots gnaden Hertzog ze Oesterreich ze Steir ze Kernden und ze Krain Graf ze Tyrol etc. Embieten unserm getrewn Hainreichen dem Hekchlein unserm purger zue der Newnstat unser gnad und alles guet. Uns hat fuerbracht unser getrewr Hanns Potschahêr unser Richter da-selbs, wie daz du Im ain haus, und weingaerten hie ze Wienn, das von seinem weib, auf In, und seine kinder gevallen ist, an fuerladen habest verhefftet, und dich des underwunden, das uns unpilleich dunkt. Emphelhen wir dir und wellen ernstleich daz du mit demselben haus und wein-gaerten nichts habest ze schaffen, und auf den Suntag nach sand Joergen tag schirist kuenftig her fur uns koemest und bring mit dir, brief und urkunt, oder wes du wellest geniessen, wan wir das zuegleicher weys dem obgenanten Potschaher auch haben empholhen. So wellen wir ew genein-ander verhoeren und yedem tail lassen widervaren was recht ist. Geben ze Wienn an Samtztag vor Reminiscere, Anno etc. CCCCmo Sexto. dominus dux per Haidel Gestner

Source Fulltext: Peter Peusquens