Wir Wilhalm von gotes gnaden Hertzog ze Oesterreich ze Steir ze Kêrnden und ze Krain Graf ze Tyrol etc. Embieten den erbern weisen, unsern lieben getrewen..dem Burgermaister, und..dem Rat zue der Newnstat, unser gnad und alles guet. Als wir unsern getrewn Hannsen dem Potschahêr unserm Richter daselbs, ains tails und Hainreichen Hekcheln des andern, ainen tag fur uns be-schaiden hetten auf den Suntag nach sand Joergen tag nêchst vergangen und derselb Richter, von unsers geschêffts wegen, den egenanten tag nicht hat gesuecht Nu haben wir baiden obgenanten tailn auf den Suntag nach Phingsten schierist kuenftig têg fur uns beschaiden. Ist uns fuerbracht, wie daz darueber der egenante Hêkcheln demselben Richter, seinen hoftzins an seinem hawse hie ze Wienn verpoten habe. Das dunkt uns unpilleich, und emphelhen ew, und wellen ernstleichen, daz Ir mit demselben Hêkchlein ernstleichen schaffet von unsern wegen und In auch dartzue haltet, daz er den egenanten Richtêr an seinem hawse, und dem zynse ungeIrret lasse. Wan das ernstleichen unser maynung ist. Geben ze Wienn an sand Philipps und Jacobs tag, der heiligen Cwelifboten Anno etc. CCCCmo sexto. dominus dux per Haidel, ca(merarium) s(uum).

Source Fulltext: Prter Peusquens