Wir Wilhalm von gotes gnaden Hertzog ze Oesterreich ze Steir ze Kêrnden und ze Krain Graf ze Tyrol etc. Embieten unserm getrewn Hainreichen dem Hekchlein, unserm burger ze der Newnstat, unser gnad und alles guet. Als wir dich ains tails, und unsern getrewn, Hannsen den Potschahêr, unsern Richter daselbs, auf den Suntag nach Phingsten schirist kuenftige, her fur uns geladen haben, von der zuspruech wegen, so Ir geneinander maynet zehaben, lassen wir dich wir dich wissen, daz derselb unser Richtêr, von unsers geschêfftes wegen, den egenanten tag nicht mag gesuchen, und haben darumb denselben tag gelenget, unts auf den Suntag nach sand Jacobs tag, nêchst komend. So wellen wir eu denn geneinander verhoren, und yedem tail widervaren lassen was Recht ist. Geben ze Wienn an dem heiligen Phingst abent Anno domini etc. Quadringentesimo Sexto. dominus dux per Frid(ericum), not(arium) s(uum).

Source Fulltext: Peter Peusquens