Wir Ernst von gots gnaden Hertzog ze Oesterreich, ze Steir, ze Kêrnden, und ze Krain, Grave ze Tyrol etc. Embieten unserm getrewn Hainreichen dem Hêkchlein, unserm Burger in der Newnstat, unser gnad und alles guet. Von der Stözze wegen, die sind zwischen dir, und Hannsen dem Pot-schacher, unserm Richter, daselbs in der Newnstat, und darumb ew, der hochgeborne fuerst, unser lieber Bruder Hertzog Wilhalm sêliger auf den heutigen tag, fuer sich têg, hett beschaiden, lazzen wir dich wissen, daz wir die sach von merkleicher leueff wegen, die wir underhanden haben, yetz nicht verhoeren muegen. Und emphelhen dir ernstleich, und wellen, daz du auf den nêsten Suntag, nach sand Kolmans tag schierist kuenftig, darumb fuer uns koemest, und in der zeit, mit den guetern, dem haws, den weingêrten, und zinsen, darumb der egenant stozz ist, nichts zeschaffen habst, in dhainen weg. So wellen wir eu gen ainander verhoeren, und yedem tail lazzen widervarn was Recht ist. Geben ze Wienn, an sand Peters tag ad vincula. Anno etc. sexto. dominus dux per Haidel Gestner.

Source Fulltext: Peter Peusquens