Ich Swester Dorothe vom Gerlos zu den zeiten Maisterinn der geistleichen frawn datz sand Jacob auf der huelben ze wienn und wir der Convents gemayn daselbens vergehen fuer uns und unser Nachkomen offenleich mit dem brief das uns die erbern mann Hanns der Zyrnast und Hanns der Mosprunner dietzeit baid ausrichter und volfurêr des geschêffts so Hanns der Arnstorffer dem Got genad getan hat, verrichtet und gewert habent zehen phunt wienner phenning die uns der egenant Hanns der Arnstorffer geschafft hat alls dasselb geschêfft vor dem Rat der Stat ze Wienn mit erber kuntschafft beweist ist und alls es ze einer ewigen gedêchtnuezz in dem Statpuch geschriben stet, Und sagen auch wir die selben geschêfft herren und Ir Erben fur uns und unser Nachkomen der egenanten zehen phunt phenning gentzleich quidt ledig und los Mit urkund des briefs versigilten mit unser obgenanten Swester Dorothe vom Gerlos Maisterinn datz sand Jacob und des Convents da selbens baiden aufgedrukchten Insigiln. Geben ze Wienn an Sampstag in den Quatembern ze Phingsten Nach Kristi gepuerd viertzehenhundert jar darnach in dem Sibenten jar.

Source Fulltext: Peter Peusquens