Wir Johanns von Dobrasperg zu den zeiten Techant, und das Capitel gemainkchleich Allerheiligen Tumkyrichen datz sand Stephan ze Wienn. Vergehen fuer uns und unser Nachkomen und tun kunt allen den die den brief lesent oder horent lesen die nu lebent und hernach kuenftig sind, daz uns die erbern Mann hern Hanns der Zyrnast des Innêrn Rates der Stat ze Wienn und Hanns der Mos-prunner kyrichmaister datz sand Stephan daselbens zu den zeiten baid ausrichter und volfuerêr des geschêffts So Hanns der Arnstorffer dem Got genad getan hat, verrichtet und gewert habent, viertzig phunt wienner phenning, der wir Sy ledig und los sagen, die uns der egenant Hanns der Arnstorffer geschafft hat, umb einen ewigen Jartag alls dasselb geschêfft vor dem Rat der Stat ze Wienn mit erber kuntschafft beweist ist, und alls es in dem Statpuch zu einer ewigen gedecht-nuess geschriben stet. Daz wir mit gutem willen durch bechantnuess solicher gutter mit wolbe-dachtem muet, und mit gemaynem veraynten Rat zu der zeit do wir es wol getun mochten, uns verlubt und verpunden haben und verpinden uns wissentleich gegen den vorgenanten zwain geschêfftherren und iren Erben, und gegen allen den, die den gegenbûrtigen brief Innhabent, daz wir und all unser Nach-komen dem vorgenanten Hannsen dem Arnstorffer und frawn Margreten weylent seiner hawsfrawen auch seliger gedecht-nuess fuerbas nach gewonhait unser pruder-schafft ewikchleich alle jar an sand Philipps und sand Jacobs abent, oder in den nêgsten acht tagen vor, oder in den negsten acht tagen hinnach mit zwain phunden wienner phenning, einen Jartag haben und begen sullen, in der vorgenanten Tumkyrichen datz sand Stephan mit vigiln selampt und mit anderm gotdienst und gepet alls Sit und gewonhait ist ordenleich an all sawmung. Welichs Jares aber daz wêr, das wir oder unser Nachkomen, an dem selben Jartag sawmig fuenden wurden also das wir den nicht begêngen in der zeit und weyse so vorgeschriben stet und das sawmten an ehafft not der wir redleich nicht beweysen moechten So sullen wir der vorgenanten zwayer phund geltes desselben jares vervallen sein..dem kyrich-maister datz sant Stephan ze Wienn der denne derselben phenning bechoemen sol, von uns und von allen unsern guetern die zu dem obgenanten unserm Capitel gehoerent Und der sol denne den vorgenanten Jartag desselben Jares davon haben und begen in der weyse so vor an dem brief verschriben und begriffen ist. Und darueber so geben wir In den brief ze einem waren urchund der sach versigilten mit unsers des obgenanten Capitels datz sand Stephan ze Wienn anhan-gundem Insigil Der briet ist geben ze Wienn Nach Christi gepuert viertzehenhundert jar dar nach in dem Sibenten jar des negsten Sampstags nach sand Petronellen tag.

Source Fulltext: Peter Peusquens