Wir, Johanna von Bayren von gotes gnaden, Hertzogin ze Osterreich etc. bekennen, das unser lieber herr und gemahel hertzog Albrecht sêliger etc. dem erbern maister Valtein und seiner hausfrawen umb die dienst so derselb maister Valtein getan hat, gegeben hat ain haus hie ze Wienn vor peylertor, das im diselb zeit ledig gewesen ist. Darumb pitten wir dy erbern weysen, den purgermaister, den Richter, und den Rat mit gantzem fleiss, das sy di erbern maister Valteins wytiben, pey dem vorgenanten haus durch unsern willen halten und schirmen, das wellen wir gegen ew hinfuer erkennen mit urchund ditz briefs besigelt mit unserm aufgedrukchten Insigel Geben ze Wyenn am Phintztag vor Weichnachten. Anno etc. Quadringentesimo Septimo.

Source Fulltext: Peter Peusquens