Ich brueder Wernhart Nortzendorffer dewtschs ordens bekenn offenleich mit dem brief das mich der wolbesichtig Jorig der Zwikchel ausgericht und beraitt betzalt hat viertzig phund wynner phenning, und vier pett, ainen haubtpolster, zwen lidrein poelster, zway lidrein chuesse, zway guelter, zway leylachen und ainen chotzen, dy mir zu meiner Notturft geschafft sind von Petrin der Eysnerin seligen, di derselb Jorig Zwikchel von gescheffts wegen das Im enpholichen ist ausgericht und gewert hat, derselben viertzig pund, pett haubtpolster, poelster, chuessen, guelter, leilachen und chotzen Sag ich In Quitt ledig und los mit urkund des briefs besigelten mit des dewtschen hawses ze Wyenn aufgedrukten Insigel Geben des erich(ta)gs nach sand Michels tag Anno domini M° CCCCmo nono.

Source Fulltext: Peter Peusquens