Quoniam acta hominum per oblivionis nubem et quorundam malignancium duriciam deducuntur sepius in errorem necessarium est et decens ut ad evitandum omnem dubietatis disceptacionis scrupulum ea que decenter ordinata fuerint scripture testimonio perhennentur. Novitur igitur tam presens etas hominum quam futura, quod Ego Sifridus dictus Leublo civis Wiennensis fundator capelle mee in domo mea site de propriis rebus et de consilio, et bona voluntate omnium amicorum meorum fundavi eam ob remedium anime patris et matris mee et anime mee proprie et uxorum mearum et omnium parentum meorum in hunc modum, ut capella praedicta post obitum domini Chunradi nulli puerorum vel alicui sacerdotum non habenti annos discrecionis sed sacerdoti ydoneo et officiato conferatur non causa alicuius peticionis vel pecunie si pure et simpliciter propter deum tali condicione addita et inclusa, ut predictis sacerdos in divino officio et aliis moribus honestis se decenter exerceat et perpetue omni feria secunda missam defunctorum habeat nullo obstaculo mediante. Item omnibus ligatam presentem litteram inspecturis, quod Ego Sifridus Leublo antedictus dotavi capellam eandem, non de rebus alienis sed de perpetua hereditate sub hac forma videlicet sex talenta reddituum usualis monete de domo in qua situata est capella et de domo Wislibinne similiter sex talenta reddituum eiusdem monete et vineam in sancto loco, que dicitur longus ager et domum aput chorum suam cum cellario, que est fundus capellae. Nam nisum fuit omnibus con-sanguineis meis, quod satis decenter dotata fuerit et honeste. Ut autem permissa robur obtineant perpetue firmitatis, nec a quoquam aliqua calumpnia vel litis materia valeant posterum infirmari presentem litteram venerabilis domini abbatis Sancte Marie Scotorum in Wienna meique proprii sigilli munimine dedi in huius rei evidens testimonium roboratam testibus subnotatis. Qui sunt. Dominus Pabo venerabilis prepositus Neunburgensis; Magister Hainricus de Inna, canonicus ecclesie Pataviensis; Dominus Ulricus, decanus Medlicensis; Dominus Fridericus, plebanus de Pilhiltorf; Dominus Gotfridus, rector chori sancti Stephani in Wienna; Dominus Stephanus Ruchendorfer; Dominus Ulricus, senior; Dominus Hainricus de Gereut; Dominus Ulricus de Vetouwe; Dominus Jordanis, sacerdotes; Chunradus Pollo, Leupoldus Leublo, Ditricus Vierdungus; Ortlo, notarius, consobrinus Leublinne; Perhtoldus Suevus; Marquardus, filius suus; Nicolaus et Stephanus, filii Leupoldi Leublini, et quam plures alii fide digni. Acta sunt hec Wienne sequenti dominica post festum sancti Mathie apostoli M° CC° LXXX° VIIII°.

Source Fulltext: Peter Peusquens